കോഴിക്കോട്: പന്തീരാങ്കാവ് ഗാര്ഹിക പീഡനക്കേസില് പരാതിക്കാരിയായ പെണ്കുട്ടിക്ക് പരാതിയില്ലെന്ന് യുവതി സത്യവാങ് മൂലം നല്കി.പ്രതിഭാഗത്തിനാണ് പെണ്കുട്ടി സത്യവാങ്മൂലം നല്കിയത്. വീട്ടുകാര് പറഞ്ഞതനുസരിച്ചാണ് എല്ലാം ചെയ്തതെന്നും പരാതിയില് ഉന്നയിച്ച ആരോപണങ്ങളെല്ലാം കള്ളമാണെന്നും യുവതി ഇന്നലെ വെളിപ്പെടുത്തിയിരുന്നു. ഇതിന് പിന്നാലെയാണ് പരാതിയില്ലെന്ന് സത്യവാങ്മൂലം സമര്പ്പിച്ചത്.പ്രതിഭാഗം സ്വാധീനിച്ചിട്ടുണ്ടോ എന്ന് സംശയങ്ങള് നിലനില്ക്കെയാണ് പ്രതിഭാഗത്തിന് സത്യവാങ്മൂലം നല്കിയിരിക്കുന്നത്. പ്രതിഭാഗം അഭിഭാഷകന് യുവതിയുടെ സത്യവാങ്മൂലം ഹൈക്കോടതിയില് സമര്പ്പിക്കാന് ഒരുങ്ങുകയാണ്. കേസ് റദ്ദാക്കാനുള്ള നീക്കങ്ങളാണ് നടന്നുകൊണ്ടിരിക്കുന്നത്. രണ്ട് വീഡിയോകളാണ് യുവതി സമൂഹമാധ്യമങ്ങളില് ഇന്നലെ പങ്കുവെച്ചത്. കേസില് പ്രതിയായ രാഹുല് തന്നെ ഉപദ്രവിച്ചിച്ചിട്ടില്ലെന്നും പരാതിയില് പറഞ്ഞതെല്ലാം കള്ളമാണെന്നും വെളിപ്പെടുത്തിയാണ് യുവതി ഇന്നലെ ആദ്യ വീഡിയോ സമൂഹമാധ്യമത്തില് പങ്കുവെച്ചത്.രണ്ട് വീഡിയോകള് യുവതി പുറത്ത് വിട്ടത്. രണ്ടാമത്തെ വീഡിയോയില് തന്നെ ആരും തട്ടിക്കൊണ്ടു പോയിട്ടില്ലെന്നും സുരക്ഷിതയാണെന്നും പറഞ്ഞുകൊണ്ടായിരുന്നു വീഡിയോ. ഒരാഴ്ചയായി പെണ്കുട്ടിയെ കുറിച്ച് വിവരം ഒന്നുമില്ലെന്ന് വീട്ടുകാര് പറഞ്ഞു. തിരുവനന്തപുരത്ത് ജോലി സ്ഥലത്തേക്ക് പോകുമെന്നാണ് പറഞ്ഞിരുന്നത്. കഴിഞ്ഞദിവസമാണ് പെണ്കുട്ടി ജോലി സ്ഥലത്തില്ലെന്ന് അറിഞ്ഞതെന്ന് വീട്ടുകാര് പറയുന്നു അതേസമയം കേസില് കുറ്റപത്രം അടുത്താഴ്ച സമര്പ്പിക്കും. അഞ്ച് പ്രതികളാണ് കേസിലുള്ളത്. മൂവായിരത്തോളം പേജുള്ള കുറ്റപത്രമാണ് കേസില് സമര്പ്പിക്കുന്നത്. കേസില് പരാതിക്കാരിയുടെ പുതിയ മൊഴി നിലനില്ക്കില്ലെന്ന് അന്വേഷണ സംഘം. പെണ്കുട്ടിയുടെ ശരീരത്തില് മര്ദനമേറ്റതിന്റെ പാടുകള് ഉണ്ടായിരുന്നതായി സ്ഥിരീകരിച്ചിരുന്നു.