ലണ്ടന്: ആവേശകരമായ കലാശപ്പോരാട്ടത്തില് കരുത്തരായ ചെല്സിയെ തകര്ത്ത് മാഞ്ചസ്റ്റര് സിറ്റിക്ക് എഫ്എ കപ്പ് കിരീടം. ലണ്ടനിലെ പ്രശസ്തമായ വെംബ്ലി സ്റ്റേഡിയത്തില് നടന്ന മത്സരത്തില് എതിരില്ലാത്ത ഒരു ഗോളിനായിരുന്നു സിറ്റിയുടെ മിന്നും ജയം. മാഞ്ചസ്റ്റര് സിറ്റിയുടെ ചരിത്രത്തിലെ എട്ടാമത്തെ എഫ്എ കപ്പ് കിരീടനേട്ടമാണിത്. മത്സരത്തിന്റെ 71-ാം മിനിറ്റില് പിറന്ന മനോഹരമായ ഒരു ബാക്ക്ഹീല് ഗോളിലൂടെ അന്റോയിന് സെമെന്യോയാണ് സിറ്റിയുടെ വിജയശില്പിയായത്.
ലോകത്തിലെ ഏറ്റവും പഴക്കമേറിയ ഫുട്ബോള് ടൂര്ണമെന്റായ എഫ്എ കപ്പിന്റെ 145-ാമത് പതിപ്പിലാണ് സിറ്റി മുത്തമിട്ടത്. ഈ എട്ടാം കിരീടനേട്ടത്തോടെ എഫ്എ കപ്പ് വിജയങ്ങളുടെ എണ്ണത്തില് ചെല്സി, ലിവര്പൂള്, ടോട്ടനം എന്നീ വമ്പന് ക്ലബ്ബുകള്ക്കൊപ്പമെത്താനും മാഞ്ചസ്റ്റര് സിറ്റിക്ക് സാധിച്ചു. സൂപ്പര് താരം ഏര്ലിങ് ഹാലന്ഡിന്റെ കൃത്യതയാര്ന്ന പാസില് നിന്നായിരുന്നു സെമെന്യോയുടെ കരിയറിലെ ഏറ്റവും മികച്ച സ്റ്റൈലിഷ് ഫിനിഷിംഗ് പിറന്നത്.