സംസ്ഥാനത്ത് ഇന്നും അടുത്ത ദിവസങ്ങളിലും ശക്തമായ മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കുന്നു. നിലവില് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ഏഴ് ജില്ലകളില് ശക്തമായ മഴയുടെയും ഇടിമിന്നലിന്റെയും പശ്ചാത്തലത്തില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഈ മഴ വരും ദിവസങ്ങളിലും തുടരുമെന്നാണ് റിപ്പോര്ട്ട്. മറ്റന്നാള് ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
ഇത്തവണത്തെ തെക്ക്-പടിഞ്ഞാറന് കാലവര്ഷം നിശ്ചിത സമയത്തിനും മുന്പേ കേരളത്തില് എത്തിച്ചേരുമെന്നാണ് പ്രവചനം. സാധാരണയായി ജൂണ് ഒന്നിനാണ് കേരളത്തില് കാലവര്ഷം ആരംഭിക്കാറുള്ളതെങ്കിലും, ഇക്കുറി മെയ് 26-ഓടെ തന്നെ മഴയെത്താന് സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു. സാഹചര്യം അനുസരിച്ച് ഇതില് നാല് ദിവസത്തെ മുന്നേറ്റമോ താമസമോ ഉണ്ടായേക്കാം. കഴിഞ്ഞ വര്ഷം മെയ് 24-നായിരുന്നു കേരള തീരത്ത് കാലവര്ഷം എത്തിയത്.