പാണത്തൂര് : ലക്നോവില് വച്ച് നടന്ന അണ്ടര്17 വിഭാഗം 69-മത് ദേശീയ സ്കൂള് ഗെയിംസില് ജില്ഷ ജിനിലിനും ടീമിനും സ്വര്ണം. 4×100 മീറ്റര് റിലേയിലാണ് സ്വര്ണ മെഡല് നേടിയത്. ജില്ഷ, നന്ദന, മിഥുന, ദേവനന്ദ എന്നിവരടങ്ങുന്ന കേരള ടീമിനാണ് സ്വര്ണം ലഭിച്ചത്. 2025 ഒക്ടോബര് 11 ന് ഒഡീഷയിലെ ഭുവനേശ്വറില് വച്ച് നടന്ന ദേശീയ ജൂനിയര് അത് ലക്സില് അണ്ടര് 16 വിഭാഗം പെണ്കുട്ടികളുടെ 60 മീറ്റര് ഓട്ടത്തില് സ്വര്ണം നേടി അഭിമാനമായിരുന്നു ജില്ഷ. പാണത്തൂര് വട്ടക്കയത്തെ ജിനില് മാത്യൂ – ജോമി വിജെ ദമ്പതികളുടെ മകളാണ് ജില്ഷ. തിരുവനന്തപുരം ജി വി രാജ സ്പോര്ട്സ് സ്കൂളിലെ പത്താം ക്ലാസ്സ് വിദ്യാര്ത്ഥിനിയാണ് ഈ മിടുക്കി.