കണ്ണൂര്: കണ്ണൂരില് വോട്ടു ചെയ്യാന് എത്തിയ യുവാവ് കുഴഞ്ഞു വീണ് മരിച്ചു. വോട്ട് ചെയ്യാനെത്തിയ മൊറാഴ സ്വദേശി കെ.പി സുധീഷ് ആണ് മരിച്ചത്. മൊറാഴ സൗത്ത് എല്.പി സ്കൂളിലാണ് സംഭവം നടന്നത്. അതേസമയം കണ്ണൂര് പരിയാരത്ത് യുഡിഎഫ് സ്ഥാനാര്ത്ഥിക്ക് മര്ദനമേറ്റു. പതിനാറാംവാര്ഡ് സ്ഥാനാര്ത്ഥി പി.വി സജീവനാണ് മര്ദനമേറ്റത്. പരിയാരം ഹൈസ്ക്കുളിലെ രണ്ടാം ബൂത്തില് വെച്ചാണ് അക്രമം നടന്നത്.
കണ്ണൂര് കോട്ടയം പഞ്ചായത്തില് ഓപ്പണ് വോട്ടിനെ ചൊല്ലി തര്ക്കമുണ്ടായി. എല്ഡിഎഫ്-യുഡിഎഫ് പ്രവര്ത്തകര് തമ്മിലാണ് വാക്കേറ്റം ഉണ്ടായത്. കാഴ്ചയില്ലാത്ത സ്ത്രീ ഓപ്പണ് വോട്ട് ചെയ്യാന് എത്തിയതുമായി ബന്ധപ്പെട്ടാണ് തര്ക്കം. തുടര്ന്ന് തര്ക്കത്തിനൊടുവില് സ്ത്രീ ഒറ്റയ്ക്ക് വോട്ട് ചെയ്തു.