കണ്ണൂര്: നഗരത്തില് ലഹരിമരുന്ന് വില്പ്പന നടത്തിയ യുവതിയടക്കം രണ്ടുപേരെ കണ്ണൂര് ടൗണ് പോലീസ് അറസ്റ്റ് ചെയ്തു. തയ്യില് സ്വദേശി ആരിഫ്, മരക്കാര്കണ്ടി സ്വദേശി അപര്ണ എന്നിവരാണ് പിടിയിലായത്. ഇവരില് നിന്ന് 2.9 ഗ്രാം എംഡിഎംഎ പിടിച്ചെടുത്തതായി പോലീസ് അറിയിച്ചു.
കണ്ണൂര് ടൗണ് പോലീസ് സബ് ഇന്സ്പെക്ടര് ദീപ്തി വി.വിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു നിര്ണായക നീക്കം. ഇന്നലെ വൈകിട്ട് നാല് മണിയോടെ താവക്കരയിലുള്ള ഒരു ഹോട്ടലില് നടത്തിയ പരിശോധനയിലാണ് പ്രതികളെ പിടികൂടിയത്. ഹോട്ടലിന്റെ മൂന്നാം നിലയിലുള്ള 306-ാം മുറിയില് നിന്നാണ് എംഡിഎംഎയുമായി ഇരുവരും വലയിലായത്. പിടിയിലായ അപര്ണ ഇതിനുമുമ്പും ലഹരിമരുന്ന് കേസില് അറസ്റ്റിലായിട്ടുണ്ടെന്ന് പോലീസ് വ്യക്തമാക്കി.