തൃശ്ശൂര്: ആദൂര് കണ്ടേരി വളപ്പില് ഉമ്മര്-മുഫീദ ദമ്പതികളുടെ 4വയസുകാരനായ മകന് മഹമ്മദ് ഷഹല് മരിച്ചത് പേനയുടെ മൂടി തൊണ്ടയില് കുടുങ്ങിയാണെന്ന് പോസ്റ്റ്മോര്ട്ടം റിപ്പോര്ട്ട്. ഇന്ന് രാവിലെ ഒന്പത് മണിയോടെയായിരുന്നു സംഭവം. കളിക്കുന്നതിനിടെ കുപ്പിയുടെ അടപ്പ് വിഴുങ്ങിയാണ് കുട്ടി മരിച്ചതെന്നായിരുന്നു നേരത്തെ പുറത്ത് വന്നത്. എന്നാല് പോസ്റ്റ്മോര്ട്ടം റിപ്പോര്ട്ടിലാണ് കുട്ടിയുടെ മരണം പേനയുടെ മൂടി കുടുങ്ങിയാണെന്ന് തെളിഞ്ഞത്. കുട്ടി കളിക്കുന്നതിനിടയില് പെട്ടന്ന് ബോധരഹിതനായി വീഴുകയായിരുന്നു. ഉടന് തന്നെ മരംത്തംകോട് ആശുപത്രിയിലെത്തിച്ചെങ്കിലും, എത്തുമ്പോള് തന്നെ മരണം സംഭവിച്ചിരുന്നുവെന്ന് ആശുപത്രി അധികൃതര് അറിയിച്ചു. ആശുപത്രിയില് വച്ച് നടത്തിയ പ്രാഥമിക പരിശോധനയിലാണ് കുഞ്ഞിന്റെ തൊണ്ടയില് എന്തോ കുരുങ്ങിക്കിടക്കുന്നത് കണ്ടത്. ഇതേതുടര്ന്ന് പോസ്റ്റ്മോര്ട്ടം നടത്തുകയായിരുന്നു.