രാജപുരം : കോടോം ബേളൂര് ഗ്രാമപഞ്ചായത്ത് ‘ശലഭോത്സവം’ എന്ന പേരില് നടത്തിയ അങ്കണവാടി കലോത്സവം കുരുന്നുകളുടെ പ്രകടനം കൊണ്ട് ശ്രദ്ധേയമായി. ബേളൂര് ശിവക്ഷേത്ര ഓഡിറ്റോറിയത്തില് നടന്ന പരിപാടി കോടോം ബേളൂര് ഗ്രാമപഞ്ചായത്ത് പ്രസിഡന്റ പി.ശ്രീജ ഉദ്ഘാടനം ചെയ്തു. ക്ഷേമ കാര്യ സ്റ്റാന്ഡിംഗ് കമ്മിറ്റി ചെയര്മാന് പി.ഗോപാലകൃഷ്ണന് അധ്യക്ഷനായി.വാര്ഡ് മെമ്പര്മാരായ പി.ഗോപി, എം. വി ജഗന്നാഥ് , നിഷ അനന്തന്, ബിന്ദു എന്നിവര് പങ്കെടുത്തു. ഐസിഡിഎസ് സൂപ്പര്വൈസര്മാരായ മിനി ജോസ് സ്വാഗതവും ജയന്തി നന്ദിയും പറഞ്ഞു. ചടങ്ങില് പഞ്ചായത്ത് പരിധിയിലെ 43 അങ്കണവാടികളില് നിന്നായി 257 കുട്ടികള് കലാപരിപാടികള് അവതരിപ്പിച്ചു. അങ്കണവാടി വര്ക്കര്മാര് ഹെല്പര്മാര് രക്ഷിതാക്കള് തുടങ്ങി നിരവധി പേര് പരിപാടിയില് പങ്കെടുത്തു. കുരുന്നുകളുടെ ചടുലവും നിഷ്കളങ്കവുമായ പ്രകടനങ്ങള് കാണികളില് ആവേശം നിറച്ചു.