കാഞ്ഞങ്ങാട്: കാഞ്ഞങ്ങാട് നെഹ്റു കോളേജില് പഠിച്ചിറങ്ങിയ പ്രീഡിഗ്രി വിദ്യാര്ത്ഥികള് നാല് പതിറ്റാണ്ടിനു ശേഷം സംഗമിച്ചു.
കാറ്റാടി തണലില് എന്ന പേരില് കൂട്ടായ്മ രൂപീകരിച്ച് സഹപാഠികള്ക്കിടയില് നിരവധി ക്ഷേമ പ്രവര്ത്തനങ്ങള് നടത്തി വരുന്ന കൂടുതല് ക്ഷേമ പദ്ധതികള്ക്ക് രൂപം നല്കി. പ്രസിഡന്റ് ശ്രീകുമാര് നമ്പ്യാര് അധ്യക്ഷനായിരുന്നു. സെക്രട്ടറി എം എം ഗംഗാധരന് സ്വാഗതവും ട്രഷറര് രത്നാകരന് കുറ്റിക്കോല് വരവ് ചെലവ് കണക്കുകള് അവതരിപ്പിച്ചു. പി എം നാസ്സര്, കെ എസ് വിനോദ് കുമാര്, ഷരീഫ് കാപ്പില്, ആര് രമേശന് മാസ്റ്റര്, അരുണന് ഉള്ളാള്, ഷംസു മാട്ടുമ്മല്, സുമംഗല, രജനി തുടങ്ങിയവര് പ്രസംഗിച്ചു.
പുതിയ ഭാരവാഹികളായി വിനോദ് അരമന (പ്രസിഡന്റ്) പി സി അഷറഫ്, ജ്യോതി ലക്ഷ്മി ടീച്ചര് (വൈസ് പ്രസിഡന്റ്മാര്) മധു മടിക്കൈ (ജനറല് സെക്രട്ടറി) അനില് മടിക്കൈ, പുഷ്പലത (ജോയിന്റ് സെക്രട്ടറിമാര്) ജയകൃഷ്ണന് നായര് (ട്രഷറര്) എന്നിവരെ തിരഞ്ഞെടുത്തു