വിനോദ സഞ്ചാര കേന്ദ്രമായ റാണിപുരത്ത് ജീവജാലങ്ങള്ക്കും പരിസ്ഥിതിക്കും ഭീഷണി സൃഷ്ടിക്കുന്ന കമ്യൂണിസ്റ്റ് പച്ച, കൊങ്ങിണി തുടങ്ങിയ അധിനിവേശ സസ്യങ്ങള് നീക്കം ചെയ്യുന്ന പ്രവര്ത്തനങ്ങള്ക്ക് പരിസ്ഥിതി ദിനത്തില് തുടക്കമായി. വനം വന്യജീവി വകുപ്പിന്റെയും റാണിപുരം വന സംരക്ഷണ സമിതിയുടെയും നേതൃത്വത്തില് നടന്ന പരിസ്ഥിതി ദിനാഘോഷം കാഞ്ഞങ്ങാട് ഫോറസ്റ്റ് റേഞ്ച് ഓഫീസര് കെ രാഹുല് ഉദ്ഘാടനം ചെയ്തു. വനസംരക്ഷണ സമിതി പ്രസിഡന്റ് എസ് മധുസൂദനന് അദ്ധ്യക്ഷത വഹിച്ചു. പനത്തടി സെക്ഷന് ഫോറസ്റ്റ് ഓഫീസര് ബി സേസപ്പ പരിസ്ഥിതി സംരക്ഷണ പ്രതിജ്ഞ ചൊല്ലി കൊടുത്തു. സെക്രട്ടറി ഡി വിമല് രാജ്, ട്രഷറര് എം കെ സുരേഷ് എന്നിവര് പ്രസംഗിച്ചു. അധിനിവേശ സസ്യങ്ങളുടെ നിര്മാര്ജനത്തിന് പുറമെ വൃക്ഷ തൈ നടല്, സഞ്ചാരികള്ക്കായി അറിയിപ്പ് ബോര്ഡുകള് സ്ഥാപിക്കല്, ചികില്സാ സഹായ വിതരണം, വാച്ചര് കം ഗൈഡുമാര്ക്ക് തിരിച്ചറിയല് കാര്ഡ് വിതരണം എന്നിവയും നടത്തി. ബീറ്റ് ഫോറസ്റ്റ് ഓഫീസര്മാരായ വിഷ്ണു കൃഷ്ണന് ,കെ രതീഷ് ,ജി സൗമ്യ, സമിതി കമ്മിറ്റിയംഗം സി ശാലിനി, അരുണ് ജാണു , കെ സുരേഷ്, ബി കെ പ്രദീപ്, സി എങ്കാപ്പു, സില്ജോ ജോണ്സണ് എന്നിവര് നേതൃത്വം നല്കി.