ജനപ്രതിനിധികളുടെ യോഗം ചേര്ന്ന് നിര്ദ്ദേശങ്ങള് സ്വീകരിച്ചു
കാലവര്ഷം ആരംഭിക്കുന്നതിനു മുമ്പ് മണ്ണിടിച്ചിലും വെള്ളക്കെട്ടും തടയാന് നടപടി സ്വീകരിക്കാന് ദേശീയപാതാ അതോറിറ്റിയോടും നിര്മ്മാണ കരാര് കമ്പനിയോടും ജില്ലാ കളക്ടര് കെ ഇമ്പശേഖര് നിര്ദേശിച്ചു. ദേശീയപാതയിലെ ദുരന്തനിവാരണത്തിന് പ്രഥമ പരിഗണന നല്കുമെന്ന് ജില്ലാ കളക്ടര് പറഞ്ഞു. ദുരന്തനിവാരണ പ്രവൃത്തി ഉറപ്പുവരുത്താന് നിരീക്ഷണത്തിന് തഹസില്ദാര്മാരെ ജില്ലാ കളക്ടര് ചുമതലപ്പെടുത്തി. ദേശീയപാതയില് ദുരന്തനിവാരണത്തിന് പഠനത്തിനായി ജില്ലാ കളക്ടര് നിയോഗിച്ച വിദഗ്ധ സമിതി 41കേന്ദ്രങ്ങളിലായി 56സ്ഥലങ്ങളില് പ്രശ്നങ്ങള് ഉള്ളതായി കണ്ടെത്തി, അവയ്ക്ക് വേഗത്തില് സാധ്യമായ പരിഹാരങ്ങളും നിര്ദ്ദേശിച്ചു.
കുന്നിടിച്ചല് ഭീഷണി, സമീപ പ്രദേശങ്ങളില് വെള്ളം കയറുന്നത് കൊണ്ടുള്ള പ്രശ്നങ്ങള്, ഓവുചാല് സംവിധാനത്തില് അപാകത, ഗതാഗതതടസം, പ്രധാന പാതയിലെയും പാര്ശ്വപാതകളിലെയും വെള്ളക്കെട്ട് തുടങ്ങിയവയാണ് യോഗത്തില് അവതരിപ്പിച്ചത്. എന്നാല് കൂടുതല് പ്രദേശങ്ങളില് പ്രശ്നങ്ങള് ഉള്ളതായി ജനപ്രതിനിധികള് ചൂണ്ടിക്കാട്ടി. റവന്യൂ ഉദ്യോഗസ്ഥരെ കാലവര്ഷത്തിനു മുന്പ് തന്നെ ഇതിനായി നിയോഗിച്ചതായും കലക്ടര് യോഗത്തില് അറിയിച്ചു. കാലവര്ഷത്തിനു മുമ്പ് വെള്ളക്കെട്ട് ഒഴിവാക്കുന്നതിനും മണ്ണിടിച്ചില് തടയുന്നതിനും നടപടി സ്വീകരിക്കാന് കളക്ടര് നിര്മ്മാണ കമ്പനികള്ക്ക് നിര്ദ്ദേശം നല്കി
കളക്ടറേറ്റ് കോണ്ഫറന്സ് ഹാളില് നടന്ന യോഗത്തില് ജില്ലാ കളക്ടര് കെ ഇമ്പശേഖര് അധ്യക്ഷത വഹിച്ചു. ദേശീയപാത കടന്നു പോകുന്ന മേഖലയിലെ ജനപ്രതിനിധികളുടെയും, ഉദ്യോഗസ്ഥരുടെയും യോഗത്തില് ഡെപ്യൂട്ടി കളക്ടര് എല്.എ റമീസ് രാജ വിശദമായ റിപ്പോര്ട്ട് അവതരിപ്പിച്ചു. ദേശീയ പാത നിര്മ്മാണം പൂര്ത്തിയായ തലപ്പാടി- ചെങ്കള റീച്ചില് വാഹനങ്ങള് തെന്നിമാറി മാറ്റ് വാഹനങ്ങളില് ഇടിച്ച് ഉണ്ടാകുന്ന അപകടങ്ങള് നടക്കുന്നുണ്ട്. കാലവര്ഷം ശക്തിപ്രാപിക്കുന്നതോടെ പ്രശ്നം രൂക്ഷമാകാന് സാധ്യതയുണ്ടെന്നും ആരിക്കാടിയില് ടോള് പ്ലാസ ആരംഭിക്കുന്നതിന് മുന്പ് വെള്ളക്കെട്ടും ഇത്തരം പ്രശ്നങ്ങളും പരിഹരിക്കുകയാണ് വേണ്ടതെന്ന് എ.കെ.എം അഷറഫ് എം.എല്.എ പറഞ്ഞു. ദേശീയപാതയിലെ അപകട സാധ്യതയുള്ള പ്രദേശങ്ങളില് നി്ന്നും ജനങ്ങളെ മാറ്റി പാര്പ്പിക്കുന്നതിന് പകരം ഇതിന് ശാശ്വതമായ പരിഹാരമാണ് ആവശ്യമെന്ന് ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പാദൂര് പറഞ്ഞു. ചെര്ക്കള നഗരത്തില് ഫൂട്ട് ഓവര് ബ്രിഡ്ജ് സ്ഥാപിക്കുന്നതിനായി എടുത്ത കുഴികള് സ്കൂള് തുറക്കുന്ന സാഹചര്യത്തില് വെല്ലുവിളിയാകുമെന്നും താല്ക്കാലികമായി കുഴികള് അടക്കേണ്ടതുണ്ടെന്നും യോഗം നിര്ദ്ദേശിച്ചു.
നഗരസഭ അധ്യക്ഷന്മാരായ അബ്ബാസ് ബീഗം, കെ.വി സുജാത, ടിവി ശാന്ത, ഗ്രാമപഞ്ചായത്ത് പ്രസിഡണ്ടുമാരായ യു.പി താഹിറ, അഡ്വ. ഷമീറ ഫൈസല്, ഖാദര് ബദരിയ, സുഫൈജ അബൂബക്കര്, അരവിന്ദാക്ഷന്, എം. കുമാരന്, സി.വിപ്രമീള, പി.പി പ്രസന്നകുമാരി, മംഗല്പാടി, മഞ്ചേശ്വരം, അജാനൂര് ഗ്രാമപഞ്ചായത്തിലെ പ്രതിനിധികള്
എല്.എ.എന്.എച്ച് ഡെപ്യൂട്ടി കളക്ടര് എസ്. ബിജു, തുടങ്ങിയവര് തദ്ദേശ സ്ഥാപന തലത്തിലെ പ്രശ്നങ്ങള് അവതരിപ്പിച്ചു.
തദ്ദേശസ്ഥാപന സെക്രട്ടറിമാര് തഹസില്ദാര്മാര് വില്ലേജ് ഓഫീസര്മാര് ദേശീയപാത അതോറിറ്റി ഉദ്യോഗസ്ഥര് നിര്മ്മാണ കരാര് കമ്പനിയുടെ പ്രതിനിധികള് വിദഗ്ധസമിതി അംഗങ്ങള് തുടങ്ങിയവര് യോഗത്തില് പങ്കെടുത്തു.അടിയന്തര അത്യാഹിത നിയന്ത്രണ പദ്ധതി യോഗത്തില് ഡെപ്യൂട്ടി കളക്ടര് എല് എ റമീസ് രാജ അവതരിപ്പിച്ചു.
ദേശീയപാതയില് കാലിക്കടവ് മുതല് തലപ്പാടി വരെ വിവിധ ഇടങ്ങളില് ദുരന്തസാധ്യത തടയാനുള്ള നടപടികളാണ് യോഗത്തില് നിര്ദ്ദേശിച്ചത്. നീലേശ്വരം റെഗുലേറ്റര് കം ബ്രിഡ്ജിന്റെ ഷട്ടര് തുറന്നാല് പാലത്തിന്റെ താഴ്ഭാഗത്തുള്ള പ്രദേശങ്ങളില് വീടുകളില് വെള്ളം കയറാന് സാധ്യതയുണ്ടെന്നും നീലേശ്വരത്ത് കാര്യങ്കോട് പുഴയിലെ ബണ്ട്ീക്കം ചെയ്യാന് അടിയന്തര നടപടി ആവശ്യമാണെന്നും നിലേശ്വരം നഗരസഭ ചെയര്പേഴ്സണ് ടി.വി ശാന്ത യോഗത്തില് അറിയിച്ചു. കാര്യങ്കോട് പുഴയില് പാലം നിര്മ്മിക്കുന്നതിനായി സ്ഥാപിച്ച ബണ്ടുകള് പൊളിച്ചു നീക്കണമെന്നും മഴ കൂടുന്നതിന് അനുസരിച്ച് പാലായി റെഗുലേറ്റര് കം ബ്രിഡ്ജില് ജല നിരപ്പ് ഉയരുകയാണെന്നും ഷട്ടര് തുറക്കുമ്പോള് വെള്ളം കടലിലേക്ക് സുഖമായി ഒഴുകി പോകുന്നതിനായി ഇന്ന് രാത്രി തന്നെ ബണ്ടുകള് പൊളിച്ച് നീക്കാന് ദേശീയപാത നിര്മ്മാണ കമ്പനിക്ക് ജില്ലാ കളക്ടര് നിര്ദ്ദേശം നല്കി.
മെയ് 24ന് ജില്ലാകളക്ടറുടെ അധ്യക്ഷതയില് പഞ്ചായത്ത് പ്രസിഡന്റ് മാരുടെയും സെക്രട്ടറിമാരുടെയും യോഗം ചേരും. പ്രാദേശിക തലത്തില് താഹ്സില്ദാര്മാര് വില്ലേജ് ഓഫീസര്മാര്, പഞ്ചായത്ത് പ്രസിഡന്റ്, സെക്രട്ടറിമാര് എവന്നിവര് പ്രത്യേക യോഗം ചേരും.