കാഞ്ഞങ്ങാട് : ഉത്തരമലബാറിലെ പ്രശസ്തമായ ശ്രീ മഡിയന് കൂലോം ക്ഷേത്രപാലക ക്ഷേത്രം ഈ വര്ഷത്തെ കലശോത്സവത്തിന് നാളും മുഹൂര്ത്തവും ജന്മ കണിശന് വിനോദ്കപ്പണക്കാല് കുറിച്ചു. മെയ് 23,24 വെള്ളി, ശനി തീയ്യതികളില് കലശവും അടോട്ട് കളരിയിലും, കിഴക്കുംകര കളരിയിലും നടക്കുന്ന ഓല കൊത്തല് ചടങ്ങ് മെയ് 20 ചൊവാഴ്ച രാവിലെ 6.30 മുതല് 7.50 വരെയുള്ള ശുഭമുഹൂര്ത്തത്തിലും നടക്കും. മൂല്ലച്ചേരി നായരച്ഛന്,മഡിയന് നായര്ച്ഛന്, ട്രസ്റ്റി ബോര്ഡ് ചെയര്മാന് വി.എം ജയദേവന്,ട്രസ്സി ബോര്ഡ് മെമ്പര്മാരായ എന്.വി ബേബി രാജ്, വി.നാരായണന്, എക്സിക്യൂട്ടീവ് ഓഫീസര് വിജയന് പെരിങ്ങേത്ത് , വിവിധ കളരി പ്രതിനിധികള്, ആചാര സ്ഥാനികര്, നവീകരണ കമ്മറ്റി ഭാരവാഹികള്, വികസന സമിതി ഭാരവാഹികള്, ഭക്തജനങ്ങള് എന്നിവര് ചടങ്ങില് സംബന്ധിച്ചു. മെയ് 23 ന് രാത്രി മൂന്ന് കളരികളില് നിന്നുമുള്ള കലശങ്ങളും മണവാളനും, മണവാട്ടിയും, മാഞ്ഞാളമ്മയും അരങ്ങിലെത്തും.24ന് വൈകീട്ട് കാളരാത്രിയമ്മ, ക്ഷേത്രപാലകന്, നടയില് ഭഗവതി എന്നീ തെയ്യങ്ങളും അടോട്ട് മൂത്തേടത്ത് കുതിര്, പെരളം വയല് കളരി, കിഴക്കുകര കളരി, മടിക്കൈ പെരിയങ്കോട്ട് കളരി എന്നിവടങ്ങളില് നിന്നും 6 കലശങ്ങളും എഴുന്നള്ളിക്കും. ആലന്തട്ട ആശാരി കലയാമ്പള്ളി ഒരുക്കും. പുന്നക്കാല് ഭഗവതി ക്ഷേത്രത്തില് നിന്നും മീന് കോവയും എഴുന്നള്ളിക്കും