കാസര്കോട്: കേരള കേന്ദ്ര സര്വകലാശാലയില് ഡോ. അംബേദ്കര് സെന്റര് ഓഫ് എക്സലന്സി (ഡിഎസിഇ)ന്റെ ആഭിമുഖ്യത്തില് എസ്സി, ഒബിസി വിഭാഗങ്ങളിലുള്ളവര്ക്ക് സ്റ്റൈപ്പന്റോടു കൂടി സിവില് സര്വ്വീസ് പരീക്ഷാ പരിശീലനം നല്കുന്നു. 50 ശതമാനം മാര്ക്കോടെയുള്ള ബിരുദമോ തത്തുല്യ യോഗ്യതയോ വേണം. അവസാന വര്ഷ ബിരുദക്കാര്ക്കും അപേക്ഷിക്കാം. പ്രായപരിധി 2025 ജൂണ് 1 പ്രകാരം എസ്സി 35 വയസ്സിലും ഒബിസി 32 വയസ്സിലും താഴെ. കുടുംബ വാര്ഷിക വരുമാന പരിധി 8 ലക്ഷം. ഒരു വര്ഷമാണ് പരിശീലന കാലയളവ്. പ്രതിമാസം 4000 രൂപ സ്റ്റൈപ്പന്റ് ലഭിക്കും. നൂറ് പേര്ക്കാണ് പ്രവേശനം. 30 സീറ്റുകള് പെണ്കുട്ടികള്ക്ക് സംവരണം ചെയ്തിട്ടുണ്ട്. സര്വകലാശാല വെബ്സൈറ്റ് www.cukerala.ac.in സന്ദര്ശിച്ച് ഏപ്രില് 17 വരെ ഓണ്ലൈനായി അപേക്ഷിക്കാം. പൊതുപ്രവേശന പരീക്ഷ വഴിയാണ് പ്രവേശനം. ഏപ്രില് 27ന് പരീക്ഷ നടക്കും. മെയ് 5ന് ഫലം പ്രഖ്യാപിക്കും. കൂടുതല് വിവരങ്ങള്ക്ക് വെബ്സൈറ്റ് സന്ദര്ശിക്കുക.