കണ്ണൂര്: തലശ്ശേരിയില് ആളില്ലാത്ത വീട്ടില് പട്ടാപകല് കവര്ച്ച. ചിറക്കര മോറക്കുന്ന് വ്യാപാരിയായ മുഹമ്മദ് നവാസിന്റെ വീട്ടിലാണ് മോഷണം നടന്നത്. ഇവിടെ നിന്ന് നാലര ലക്ഷം രൂപ കവര്ന്നു. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി. നവാസും ഭാര്യയും ജോലിക്കായി രാവിലെ വീട് പൂട്ടി പോയ സമയത്താണ് മോഷണം നടന്നത്.
കിണറിനോടുചേര്ന്നുള്ള വാതില് വഴിയാണ് കള്ളന്മാര് വീടിന് അകത്ത് കയറിയത്. അലമാരയില് ആണ് പണം വെച്ചിരുന്നത്. എന്നാല്, താഴെ ഉണ്ടായിരുന്ന സ്വര്ണാഭരണങ്ങള് കള്ളന്മാര് കണ്ടില്ല. വൈകിട്ട് ജോലി കഴിഞ്ഞ് നവാസും ഭാര്യയും തിരിച്ചെത്തിയപ്പോഴാണ് തകര്ന്ന വാതില് ശ്രദ്ധിച്ചത്. ഇവരുടെ പരാതിയില് തലശ്ശേരി പൊലീസ് കേസെടുത്ത് അന്വേഷണം തുടങ്ങി. വിരലടയാളങ്ങള് ശേഖരിച്ചിട്ടുണ്ട്. പ്രദേശത്തെ സ്ഥിരം മോഷ്ടാക്കള് പൊലീസിന്റെ നിരീക്ഷണത്തിലാണ്.