രാജപുരം: കേരള സീനിയര് സിറ്റിസണ് ഫോറം കള്ളാര് പഞ്ചായത്ത് കമ്മിറ്റിയുടെ വാര്ഷിക പൊതുയോഗവും തിരഞ്ഞെടുപ്പും രാജപുരം ക്ഷീര സഹകരണ സംഘം ഹാളില് നടന്നു. കള്ളാര് പഞ്ചായത്ത് പ്രസിഡന്റ് ടി.കെ നാരായണന് ഉദ്ഘാടനം ചെയ്തു. സീനിയര് സിറ്റിസണ് ഫോറം പഞ്ചായത്ത് കമ്മിറ്റി പ്രസിഡന്റ് ജോണ് പ്ലാച്ചേരി അധ്യക്ഷത വഹിച്ചു. രാജപുരം സിഐ കൃഷ്ണന് കെ.കാളിദാസ് മുഖ്യപ്രഭാഷണം നടത്തി.
ജില്ലാ കമ്മിറ്റി അംഗം ബി.പരമേശ്വരന് വരണാധികാരിയായി സിറ്റിസണ് ഫോറം സംസ്ഥാന സെക്രട്ടറി ജോര്ജ് വര്ഗീസ്, ജില്ലാ പ്രസിഡന്റ് അബൂബക്കര് ഹാജി. പഞ്ചായത്ത് കമ്മിറ്റി സെക്രട്ടറി എം.ജെ ലൂക്കോസ് മുളവനാല്, കൗണ്സില് അംഗം എന്.എം ജോസ് നിരപ്പേല് എന്നിവര് പ്രസംഗിച്ചു.