കൊച്ചി: രാസലഹരി കേസില് ‘തൊപ്പി’ എന്ന നിഹാദ് ഉള്പ്പെടെ ആറ് പേര്ക്കെതിരെയും കേസെടുത്തിട്ടില്ലെന്ന് പൊലീസ്. കേസില് നിലവില് നിഹാദ് പ്രതിയല്ലെന്ന് പാലാരിവട്ടം പൊലീസ് അറിയിക്കുകയും പൊലീസ് റിപ്പോര്ട്ടിന്റെ അടിസ്ഥാനത്തില് മുന്കൂര് ജാമ്യാപേക്ഷ തീര്പ്പാക്കുകയും ചെയ്തു. എറണാകുളം പ്രിന്സിപ്പല് സെഷന്സ് കോടതിയാണ് ജാമ്യാപേക്ഷ തീര്പ്പാക്കിയത്.
അതേസമയം, തമ്മനത്തെ താമസ സ്ഥലത്തുനിന്ന് രാസലഹരി പിടിച്ചെടുത്തതിന് പിന്നാലെ തൊപ്പി ഒളിവിലായിരുന്നു. പൊലീസ് കേസെടുത്തതിന് പിന്നാലെയാണ് നിഹാദ് ഒളിവില് പോയത്. ഇയാള് മുന്കൂര് ജാമ്യം തേടി എറണാകുളം പ്രിന്സിപ്പല് സെഷന്സ് കോടതിയെ സമീപിച്ചിരുന്നു.