കണ്ണൂര്: വളപട്ടണം മന്നയില് പൂട്ടിയിട്ട വീട്ടില്നിന്ന് 300 പവനും ഒരുകോടി രൂപയും മോഷ്ടിച്ചു. അരി മൊത്തവ്യാപാരിയായ കെ.പി. അഷ്റഫിന്റെ വീട്ടിലാണ് മോഷണം നടന്നത്. വീട്ടുകാര് മധുരയിലുള്ള ബന്ധുവീട്ടില് വിവാഹത്തിന് പോയ സയമത്താണ് സംഭവം. 19-ാം തിയതി വീടടച്ച് പോയ കുടുംബം ഇന്നലെ രാത്രി തിരിച്ചെത്തിയപ്പോഴാണ് മോഷണ വിവരം അറിയുന്നത്. വീട് കുത്തിത്തുറന്ന് അകത്തുകയറി ലോക്കര് തകര്ത്താണ് കവര്ച്ച. കിടപ്പുമുറിയിലെ ലോക്കറില് സൂക്ഷിച്ചിരുന്ന സ്വര്ണവും പണവുമാണ് നഷ്ടമായതെന്നാണ് വിവരം.