തിരുവനന്തപുരം: തിരുവനന്തപുരത്ത് നെടുമങ്ങാട് പൊലീസുകാര്ക്ക് നേരെ ഗുണ്ടാ ആക്രമണം. സിഐ, എസ്ഐ ഉള്പ്പെടെയുള്ള പൊലീസുകാര്ക്കാണ് പരിക്കേറ്റത്. പരിക്കേറ്റ ഉദ്യോഗസ്ഥരെ ആശുപത്രിയിലേക്ക് മാറ്റി. ബര്ത്ത്ഡേ പാര്ട്ടിക്കിടെയാണ് ആക്രമണം നടന്നത്. കുപ്രസിദ്ധ ഗുണ്ട സ്റ്റാമ്പര് അനീഷിന്റെ നേതൃത്വത്തില് ആയിരുന്നു ആക്രമണം നടന്നത്. അനീഷ് ഉള്പ്പെടെ എട്ടുപേരെ സംഭവത്തില് പൊലീസ് കസ്റ്റഡിയിലെടുത്തു. സ്റ്റാമ്പര് അനീഷിന്റെ സഹോദരിയുടെ മകന്റെ ബര്ത്ത്ഡേ പാര്ട്ടിയില് ആണ് ആക്രമണം നടന്നത്. പിറന്നാള് ആഘോഷങ്ങള് നടക്കുന്നത് അറിഞ്ഞ് സ്ഥലത്തെത്തിയ പൊലീസിനെ ഗുണ്ടകള് ആക്രമിക്കുകയായിരുന്നു.
രഹസ്യവിവരം ലഭിച്ചതിനെ തുടര്ന്നാണ് പൊലീസ് സംഭവ സ്ഥലത്തെത്തിയത്. തിരുവനന്തപുരം ജില്ലയ്ക്കകത്തുള്ള നിരവധി ഗുണ്ടകളെ ഉള്പ്പെടുത്തിയാണ് ബര്ത്തഡേ പാര്ട്ടി നടത്തിയത്. പാര്ട്ടി നടത്തരുതെന്ന് നേരത്തെ അനീഷിന് പൊലീസ് മുന്നറിയിപ്പ് നല്കിയിരുന്നു. ഇത് നിരസിച്ചുകൊണ്ടായിരുന്നു പാര്ട്ടി നടത്തിയത്. പൊലീസ് എത്തുമ്പോള് 20ഓളം ഗുണ്ടകള് സ്ഥലത്തുണ്ടായിരുന്നു. ഇത് തടയാന് ശ്രമിക്കുന്നതിനിടെയാണ് ആക്രമണം ഉണ്ടായത്.