പാലക്കുന്ന് : കഴക പരിധിയിലെ പനയാല് കളിങ്ങോത്ത് വലിയവളപ്പ് ദേവസ്ഥാനത്തില് 2025 ല് നടക്കുന്ന വയനാട്ടുകുലവന് തെയ്യംകെട്ടിന് തീയതി കുറിച്ചു. ഏപ്രില് 15 മുതല് 17 വരെ നടക്കുന്ന തെയ്യംകെട്ടിന് മാര്ച്ച് 26 ന് കൂവം അളക്കും. പനയാല് കൃഷ്ണന് ജ്യോല്സ്യര് പ്രശ്നചിന്ത നടത്തി.
തുടര്ന്ന് നടന്ന ആഘോഷം കമ്മിറ്റി രൂപവത്ക്കരണയോഗം സി. എച്ച്. കുഞ്ഞമ്പു എം.എല്. എ. ഉദ്ഘാടനം ചെയ്തു. പാലക്കുന്ന് കഴകം ഭഗവതി ക്ഷേത്ര ഭരണ സമിതി പ്രസിഡന്റ് അഡ്വ. കെ. ബാലകൃഷ്ണന് അധ്യക്ഷത വഹിച്ചു. ക്ഷേത്ര സ്ഥാനികര് സുനീഷ് പൂജാരി, കപ്പണക്കാല് കുഞ്ഞിക്കണ്ണന് ആയത്താര്, ബ്ലോക്ക് പഞ്ചായത്ത് പ്രസിഡന്റ് കെ. മണികണ്ഠന്, സി. നാരായണന്, പള്ളിക്കര പഞ്ചായത്ത് പ്രസിഡന്റ് എം.കുമാരന്, ഉത്തര മലബാര് തീയ്യ സമുദായ ക്ഷേത്ര സംരക്ഷണ സമിതി പ്രസിഡന്റ് രാജന് പെരിയ, കുഞ്ഞിക്കണ്ണന് നായര്, മേലത്ത് ബാലകൃഷ്ണന് നായര്, അടുക്കാടുക്കം തറവാട് പ്രസിഡന്റ് അഡ്വ. കെ. വിജയകുമാര്, പ്രാദേശിക സമിതി പ്രസിഡന്റ് ചന്തന്കുഞ്ഞി പനയാല്, വാസുദേവ ബട്ടത്തൂര് എന്നിവര് പ്രസംഗിച്ചു.
ആഘോഷ കമ്മിറ്റി ഭാരവാഹികള് :
അഡ്വ. എ. വിജയകുമാര് (ചെയ.)
പി. കെ. രാജേന്ദ്രനാഥ് (വര്ക്കിംഗ് ചെയ.),
സി. നാരായണന് (ജന. കണ്.), ചന്തന് കുഞ്ഞി പനയാല് (ട്രഷ.).
ഒരു നൂറ്റാണ്ടിന് ശേഷമാണ് ഇവിടെ വയനാട്ടുകുലവന് തെയ്യം കെട്ട് നടക്കുന്നത്