ബെംഗളൂരു/കോഴിക്കോട്: കര്ണാടകയില് മണ്ണിടിച്ചിലില് കാണാതായ മലയാളി ഡ്രൈവര് അര്ജുന് വേണ്ടിയുള്ള തെരച്ചില് ദൗത്യത്തില് നിര്ണായക വിവരം പുറത്ത്. നദിക്കടിയില് ഒരു ട്രക്ക് കണ്ടെത്തിയെന്ന് കര്ണാടക മന്ത്രി സ്ഥിരീകരിച്ചു. അര്ജുന് വേണ്ടിയുള്ള തെരച്ചില് ആരംഭിച്ചിട്ട് ഇന്നേയ്ക്ക് ഒന്പതാം ദിവസം എത്തുന്നതിനിടെയാണ് നിര്ണായക വിവരം പുറത്ത് വരുന്നത്. ഇന്ന് രാത്രിയും തെരച്ചില് നടത്തുമെന്ന് സൈന്യം അറിയിച്ചിട്ടുണ്ട്.