കാഞ്ഞങ്ങാട്: കേരള സ്റ്റേറ്റ് ടഗ് ഓഫ് വാര് അസോസിയേഷന്, സംസ്ഥാന സ്പോര്ട്സ് കൗണ്സിലിന്റെ അംഗീകാരത്തോടെ രണ്ടു ദിവസങ്ങളിലായി ആലുവ എടത്തല അല് അമീന് കോളേജില്സംഘടിപ്പിച്ച സംസ്ഥാന വടംവലി ചാമ്പ്യന്ഷിപ്പില് കാസര്കോടിന് മിന്നുന്നവിജയം .11 കാറ്റഗറിയില് നടന്ന മത്സരത്തില് ഏഴ് ഇനത്തിനും കാസര്കോട് ജില്ലാ ടീം മെഡലുകള് നേടി. അണ്ടര് 19 ആണ്കുട്ടികളുടെ വിഭാഗത്തില് ഒന്നാം സ്ഥാനവും മിക്സഡ് വിഭാഗത്തില് രണ്ടാം സ്ഥാനവും അണ്ടര് 17 ആണ്-പെണ് -മിക്സഡ് വിഭാഗങ്ങളിലും അണ്ടര് 15 ,13 പെണ്കുട്ടികളുടെ വിഭാഗത്തില് മൂന്നാം സ്ഥാനം ജില്ലാനേടി. ജി എച്ച് എസ് എസ് കുണ്ടംകുഴിയിലെ രഹന്, അഭിഷേക് ബി സതീഷ്, ആദര്ശ്, അമല്, ദക്ഷിണ്, ശ്രീഹരി, അഭിഷേക്, അഭിറാം ,തോമപുരം സെന്റ് തോമസ് ഹയര് സെക്കന്ഡറി സ്കൂളിലെ അലന്ജോ എം എസ്, ഇവിന് ഷിബു എന്നിവരാണ് ഒന്നാം സ്ഥാനം നേടിയ ടീമിലെ അംഗങ്ങള്. ജില്ലയെ പ്രതിനിധീകരിച്ച് ജിഎച്ച്എസ് കുണ്ടംകുഴി, ജിഎച്ച്എസ് എസ് ബന്തടുക്ക ,ജിഎച്ച്എസ് ബാനം,സെന്റ് തോമസ് തോമപുരം,സെന്റ് ജ്യൂഡ്സ് വെള്ളരിക്കുണ്ട് സ്കൂളിലെ വിദ്യാര്ത്ഥികളാണ് മല്സരത്തില് പങ്കെടുത്തത്. കെ. വാസന്തി ,കെ എം റിജു ,ഷൈജന് ചാക്കോ, മണിബാനം, ശിവരാജ് എന്നിവരാണ് ടീം കോച്ചുമാര്. കാസര്കോട്
ജില്ല സെക്രട്ടറി എംവി രതീഷ് വെള്ളച്ചാല് സെലക്ടറും , ബാബു കോട്ടപ്പാറ റഫറിയുമായിരുന്നു. മല്സരം അന്വര് സാദത്ത് എംഎല്എ ഉദ്ഘാടനം ചെയ്തു. അസോസിയേഷന് സംസ്ഥാന സെക്രട്ടറി ഷാന് മുഹമ്മദ് അധ്യക്ഷത വഹിച്ചു.അല് അമീന് കോളജ് മാനേജര് ഡോ. ജുനൈദ് റഹ്മാന് മുഖ്യാതിഥിയായി. സമാപന പരിപാടിയില് അസോസിയേഷന് സംസ്ഥാന പ്രസിഡന്റ് ജോസഫ് വാഴയ്ക്കന് ട്രോഫി സമ്മാനിച്ചു. അല് അമീന് കോളേജ് മെഡിക്കല് സയന്സ് മാനേജര് ഡോ. ഷഫീഖ് റഹ്മാന്, പ്രിന്സിപ്പല് ഡോ. സിനി കുര്യന്, ഫിസിക്കല് എഡ്യൂക്കേഷന് മേധാ വി ഡോ. ഡിനോ വര്ഗീസ്, അസോസിയേഷന് ട്രഷറര് ജോണ്സണ് ജോസഫ് എന്നിവര് സംസാരിച്ചു.