പാലക്കുന്ന്: കുട്ടികളിൽ കണ്ടുവരുന്ന വിവിധ തരം അർബുദ രോഗങ്ങളെ കുറിച്ച് പാലക്കുന്ന് ലയൺസ് ക്ലബ്ബ് ബോധവൽക്കരണ ക്ലാസ്സ് നടത്തി. ‘മുൻകൂട്ടി തിരിച്ചറിഞ്ഞാൽ ചികിത്സയുടെ വിജയ സാധ്യത ഏറെ’ എന്ന സന്ദേശം രക്ഷിതാക്കളിലേക്കും പൊതു ജനങ്ങളിലേക്കും എത്തിക്കുക എന്ന ലക്ഷ്യത്തോടെ പാലക്കുന്ന് അംബിക ഇംഗ്ലീഷ് മീഡിയം സ്കൂൾ ഹാളിൽ നടത്തിയ ക്ലാസ് ചീഫ്എ കോർഡിനേറ്റർ എസ്.പി.എം. ഷറഫുദ്ദീൻ ഉദ്ഘാടനം ചെയ്തു. ലയൺസ് പ്രസിഡന്റ്‌ പി. പി. ചന്ദ്രശേഖരൻ അധ്യക്ഷനായി. ഡിസ്ട്രിക്ട് റീജൻ സോൺ പേഴ്സൺ പി.മധുകുമാർ, മോഹനൻ പട്ടത്താൻ, പി. എം.ഗംഗാധരൻ, മോഹനൻ ചിറമ്മൽ, പ്രിൻസിപ്പൽ എ. ദിനേശൻ, പാലക്കുന്നിൽ കുട്ടി, കുമാരൻ കുന്നുമ്മൽ, പള്ളം നാരായണൻ, കുഞ്ഞികൃഷ്ണൻ പനയാൽ, സതീശൻ പൂർണിമ, കുഞ്ഞികൃഷ്ണൻ മാങ്ങാട്, സുധാകരൻ പാലക്കിൽ, പി. പി. മോഹനൻ, മല്ലിക ഗോപാലൻ എന്നിവർ പ്രസംഗിച്ചു.
കുട്ടികളിൽ ലിംഫോമ, രക്ത, തലച്ചോർ , കണ്ണ്, വൃക്ക, അസ്ഥി എന്നിവയെ ബാധിക്കുന്ന അർബുദ രോഗത്തെ കുറിച്ച് ജില്ലാ ആശുപത്രിയിലെ ഓങ്കോളജി വിഭാഗം തലവൻ ഡോ. വിവേക് നമ്പ്യാർ ആണ് ക്ലാസ്സെടുത്തത്. സദസ്സിൽ നിന്നുള്ള സംശയങ്ങൾക്ക് അദ്ദേഹം കൃത്യമായി മറുപടി നൽകി.