സംസ്ഥാനത്ത് വരും ദിവസങ്ങളില് അതിശക്തമായ മഴ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. തിരുവനന്തപുരം, കൊല്ലം, പാലക്കാട്, വയനാട് ഒഴികെയുള്ള 10 ജില്ലകളില് യെല്ലോ അലേര്ട്ട് പ്രഖ്യാപിച്ചു. അടുത്ത അഞ്ചു ദിവസവും മഴ ശക്തമായിരിക്കുമെന്നും, ഇടിമിന്നലിനും കാറ്റിനും സാധ്യതയുള്ളതിനാല് പൊതുജനങ്ങള് അതീവ ജാഗ്രത പാലിക്കണമെന്നും അധികൃതര് നിര്ദ്ദേശിച്ചു. കേരള തീരത്ത് രൂപപ്പെട്ട ന്യൂനമര്ദ്ദ പാത്തിയും അറബിക്കടലിലെ ചക്രവാതച്ചുഴിയുമാണ് മഴയ്ക്ക് കാരണം. മുന്നറിയിപ്പിന്റെ ഭാഗമായി മെയ് 28 വരെ കേരള-ലക്ഷദ്വീപ് തീരങ്ങളില് മത്സ്യബന്ധനം നിരോധിച്ചു.