രാവണേശ്വരം: കോതോളം കര ദുര്ഗ്ഗ ഭഗവതി ക്ഷേത്ര ത്തില് നടന്നുവന്ന നാല് നാള് നീണ്ട ഒറ്റത്തിറ കളിയാട്ട മഹോത്സവത്തിന് ഭക്തി സാന്ദ്രമായ സമാപമായി ഒറ്റത്തിറ കളിയാട്ട മഹോത്സവത്തിന്റെ സമാപന ദിവസമായ ബുധനാഴ്ച രാവിലെ മുതല് അടുക്കത്ത് ചാമുണ്ഡി, വിഷ്ണുമൂര്ത്തി, മുളവന്നൂര് ഭഗവതി എന്നീ തെയ്യങ്ങള് അരങ്ങിലെത്തി. വൈകിട്ട് 4 മണിക്ക് മുളവന്നൂര് ഭഗവതിയുടെ തിരുമുടി നിവര്ന്നു തുടര്ന്ന് ഗുളികന് തെയ്യം അരങ്ങിലെത്തി. വിളക്കിലരിയും നടന്നു. ക്ഷേത്രത്തിലേക്കുള്ള തിരിച്ചെഴുന്നള്ളത്തോടുകൂടി കളിയാട്ടത്തിന് സമാപനമായി . ജനുവരി നാലിന് ഉപദേവ സ്ഥാനമായ ചോനാട്ട് കാലിച്ചാന് ദേവസ്ഥാനത്ത് കാലിച്ചാന് ദൈവവും വിഷ്ണുമൂര്ത്തിയും അരങ്ങിലെത്തും.