ട്രെയിന് മാര്ഗം കടത്തിക്കൊണ്ടുവന്ന 12 കിലോ കഞ്ചാവുമായി രണ്ട് യുവാക്കളെ കൊല്ലം സിറ്റി ഡാന്സാഫ് സംഘവും കൊല്ലം ഈസ്റ്റ് പോലീസും സംയുക്തമായി നടത്തിയ പരിശോധനയില് പിടികൂടി. ചാത്തന്നൂര് ഇത്തിക്കര മീനാട് സ്വദേശി രാഹുല് (23), തഴുത്തല മൈലക്കാട് സ്വദേശി സുഭാഷ് ചന്ദ്രന് (27) എന്നിവരാണ് പിടിയിലായത്. വരാനിരിക്കുന്ന തിരഞ്ഞെടുപ്പുമായി ബന്ധപ്പെട്ട് റെയില്വേ സ്റ്റേഷനുകള്, കെഎസ്ആര്ടിസി ഡിപ്പോകള് എന്നിവിടങ്ങളിലടക്കം പോലീസ് പരിശോധന ശക്തമാക്കിയതിനിടയിലാണ് ഈ കഞ്ചാവ് വേട്ട.
സംശയകരമായ സാഹചര്യത്തില് രണ്ട് ബാഗുകളുമായി കണ്ടെത്തിയ യുവാക്കളെ വിശദമായി പരിശോധിച്ചപ്പോഴാണ് കഞ്ചാവ് പിടികൂടിയത്. കഴിഞ്ഞ രണ്ടുമാസത്തിനുള്ളില് കൊല്ലം നഗരത്തില് നടന്ന നാലാമത്തെ വന് കഞ്ചാവ് വേട്ടയാണിത്. അറസ്റ്റിലായ പ്രതികളെ കോടതിയില് ഹാജരാക്കി കസ്റ്റഡിയില് വാങ്ങി, കഞ്ചാവിന്റെ ഉറവിടം കണ്ടെത്താനും മറ്റ് പ്രതികളെ അറസ്റ്റ് ചെയ്യാനും വിശദമായി ചോദ്യം ചെയ്യാനുള്ള നീക്കത്തിലാണ് പോലീസ്.