തിരുവനന്തപുരം: തിരുവനന്തപുരം പട്ടം എസ്.യു.ടി. ആശുപത്രിയില് ചികിത്സക്കെത്തിയ ഭാര്യയെ ഭര്ത്താവ് കഴുത്ത് ഞെരിച്ച് കൊലപ്പെടുത്തി. കരകുളം സ്വദേശി ജയന്തിയാണ് മരിച്ചത്. സംഭവത്തിനുശേഷം ജീവനൊടുക്കാന് ശ്രമിച്ച ഭര്ത്താവ് ഭാസുരേന്ദ്രന് ഗുരുതരാവസ്ഥയില് ആശുപത്രിയില് ചികിത്സയിലാണ്.
ഇന്ന് പുലര്ച്ചെയോടെയാണ് ആശുപത്രിയിലെ ഡയാലിസിസ് ചികിത്സാ കേന്ദ്രത്തില് വെച്ച് ദാരുണമായ സംഭവം നടന്നത്. ഡയാലിസിസ് ചികിത്സയ്ക്കായി എത്തിയതായിരുന്നു ജയന്തിയും ഭര്ത്താവ് ഭാസുരേന്ദ്രനും. ഭാര്യയെ കൊലപ്പെടുത്തിയ ശേഷം ഭാസുരേന്ദ്രന് ആശുപത്രി കെട്ടിടത്തിന്റെ മുകളില് നിന്ന് ചാടി ആത്മഹത്യാശ്രമം നടത്തുകയായിരുന്നു. ഗുരുതരമായി പരിക്കേറ്റ ഭാസുരേന്ദ്രന് ഇപ്പോള് ആശുപത്രിയില് ചികിത്സയിലാണ്. സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.