കോഴിക്കോട്: അമീബിക് മസ്തിഷ്കജ്വരം സ്ഥിരികരീച്ച് കോഴിക്കോട് മെഡിക്കല് കോളേജില് 10 പേര് ചികിത്സയില്. രോഗം ബാധിച്ച് രണ്ടുപേര് കൂടി മരിച്ചതോടെ പ്രതിരോധ നടപടികള് ഊര്ജിതമാക്കിയിരിക്കുകയാണ് ആരോഗ്യവകുപ്പ്. ഇതില് രണ്ടു പേരുടെ നില ഗുരുതരമാണ്.
കഴിഞ്ഞ ദിവസം അമീബിക് മസ്തിഷ്കജ്വരം ബാധിച്ച് രണ്ടുപേര് കൂടി മരിച്ചിരുന്നു. മൂന്ന് മാസം പ്രായമുള്ള കുഞ്ഞും 52കാരിയുമാണ് മരണപ്പെട്ടത്. കോഴിക്കോട് ഗവ. മെഡിക്കല് കോളേജ് ആശുപത്രിയില് ചികിത്സയിലിരിക്കെയാണ് ഇരുവരും മരിച്ചത്. കോഴിക്കോട് ഓമശ്ശേരി സ്വദേശിയായ ദമ്പതികളുടെ മൂന്ന് മാസം പ്രായമുള്ള കുഞ്ഞ് കഴിഞ്ഞ ഒരു മാസമായി കോഴിക്കോട് മെഡിക്കല് കോളേജില് ചികിത്സയിലായിരുന്നു. കുഞ്ഞ് 28 ദിവസമായി വെന്റിലേറ്ററില് ചികിത്സയിലായിരുന്നു. കിണറ്റില് നിന്നുള്ള വെള്ളത്തില് നിന്നാണ് കുഞ്ഞിന് രോഗം ബാധിച്ചതെന്നാണ് പ്രാഥമിക വിലയിരുത്തല്.