തിരുവനന്തപുരം: കേരളത്തില് ഇന്നും വ്യാപക മഴയ്ക്ക് സാധ്യതയെന്ന് കാലാവസ്ഥ വകുപ്പ് മുന്നറിയിപ്പ് നല്കി. ഒന്പത് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലേ അലേര്ട്ടുള്ളത്. അതേസമയം മറ്റ് ജില്ലകളില് ഇടവിട്ട നേരിയ മഴയ്ക്കും സാധ്യതയുണ്ട്. എന്നാല് മഴ മുന്നറിയിപ്പ് നല്കിയിട്ടില്ല. ഛത്തീസ്ഗഡിന് മുകളില് തുടരുന്ന ന്യൂനമര്ദ്ദമാണ് കേരളത്തിലെ മഴയ്ക്ക് കാരണം. അതേസമയം കണ്ണൂരില് മലയോര മേഖലയില് കനത്ത മഴ തുടരുകയാണ്.