തിരുവനന്തപുരം: വലിയതുറയില് പൊലീസുകാരന് കുത്തേറ്റു. വലിയതുറ സ്റ്റേഷനിലെ സി പി ഒ ആയ മനു (38) വിനാണ് കുത്തേറ്റത്. വീടിനുമുന്നില് പാര്ക്ക് ചെയ്തിരുന്ന ബൈക്ക് മാറ്റണമെന്ന് ആവശ്യപ്പെട്ടതിനെ തുടര്ന്നുണ്ടായ തര്ക്കമാണ് കത്തി കുത്തില് കലാശിച്ചത്. ഗുരുതരമായി പരുക്കേറ്റ മനുവിനെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
മനുവിന്റെ കൊച്ചുള്ളൂരിലെ വീടിന് മുന്നില് വെച്ചാണ് കുത്തേറ്റത്. ഇയാളുടെ നെഞ്ചില് രണ്ട് കുത്ത് ഏറ്റിട്ടുണ്ട് മുഖത്തും വെട്ടേറ്റ പാടുണ്ട്. കഴിഞ്ഞ കുറച്ചു ദിവസങ്ങളായി മനു ജോലിയില് നിന്ന് അവധിയിലായിരുന്നു. കുത്തിയ ആളെ ഇതുവരെ തിരിച്ചറിയാന് പൊലീസിന് കഴിഞ്ഞിട്ടില്ല. സംഭവത്തില് മെഡിക്കല് കോളേജ് പൊലീസ് അന്വേഷണം ആരംഭിച്ചു.