കൊല്ലം: പനയം താന്നിക്കമുക്കില് യുവതിയെ ജോലിക്കു നിന്ന വീട്ടിലെത്തി ഭര്ത്താവ് കുത്തിക്കൊന്നു. കാസര്കോട് ബന്തടുക്ക സ്വദേശിനി രതി(36)യെ ഭര്ത്താവ് കല്ലുവാതുക്കല് ജിഷാ ഭവനില് ജിനുവാണ് കൊലപ്പെടുത്തിയത്. പ്രതിയെ പൊലീസ് പിടികൂടി.
അഞ്ച് മാസമായി താന്നിക്കമുക്കിലുള്ള ഷാനവാസ് മന്സിലില് ജോലിക്ക് നില്ക്കുകയായിരുന്നു യുവതി. ഇന്നലെ രാത്രി 10.30 ഓടെ രതി ജോലിക്കു നിന്ന വീടിന്റെ മതില് ചാടിയെത്തിയ ജിനു യുവതിയെ ആക്രമിക്കുകയായിരുന്നു. കുത്തുകൊണ്ട യുവതി സംഭവസ്ഥലത്ത് തന്നെ കുഴഞ്ഞുവീണു. ജില്ലാ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
ബൈക്കിലാണ് ജിനു ഭാര്യ ജോലിക്ക് നില്ക്കുന്ന താന്നിക്കമുക്ക് ജംഗ്ഷനിലുള്ള വീടിന് മുന്നിലെത്തിയത്. കുത്തിയ ശേഷം ഇയാള് ബൈക്കില് തന്നെ രക്ഷപ്പെടുകയായിരുന്നു. തുടര്ന്ന് തിരച്ചിലിലാണ് ജിനുവിനെ ശൂനരാട് പൊലീസ് പിടികൂടിയത്. സംഭവത്തില് അഞ്ചാലുംമൂട് പൊലീസ് കേസെടുത്തു.