ആലപ്പുഴ: മുതിര്ന്ന സിപിഎം നേതാവ് വി.എസ്. അച്യുതാനന്ദന്റെ സംസ്കാരം മറ്റന്നാള് ഉച്ചയ്ക്ക് ശേഷം ആലപ്പുഴ പുന്നപ്രയിലെ വലിയ ചുടുകാട്ടില് നടത്തും. സിപിഎം സംസ്ഥാന സെക്രട്ടറി എം.വി. ഗോവിന്ദനാണ് ഇക്കാര്യം അറിയിച്ചത്. വി.എസ്. അച്യുതാനന്ദന് കമ്യൂണിസ്റ്റ് പാര്ട്ടിയുടെ വളര്ച്ചയ്ക്ക് രാജ്യത്തും സംസ്ഥാനത്തും അതുല്യമായ സംഭാവനകള് നല്കിയ നേതാവാണെന്ന് എം.വി. ഗോവിന്ദന് അനുസ്മരിച്ചു. സഖാവിന്റെ നിര്യാണത്തില് പാര്ട്ടിയും കേരളത്തിലെയും ഇന്ത്യയിലെയും ജനങ്ങള് അന്ത്യാഞ്ജലി അര്പ്പിക്കുകയാണെന്നും എംവി ഗോവിന്ദന് പറഞ്ഞു.
വി.എസിന്റെ ഭൗതികദേഹം നാളെ ഉച്ചയ്ക്ക് ശേഷം ദേശീയപാത വഴി ആലപ്പുഴയിലേക്ക് കൊണ്ടുപോകും. പോകുന്ന വഴികളില് പ്രിയസഖാവിനെ ഒരുനോക്ക് കാണാന് പൊതുജനങ്ങള്ക്ക് അവസരമൊരുക്കും. രാത്രിയോടെ മൃതദേഹം ആലപ്പുഴയിലെ വീട്ടിലെത്തിക്കും. മറ്റന്നാള് രാവിലെ സിപിഎം ആലപ്പുഴ ജില്ലാ കമ്മിറ്റി ഓഫീസില് പൊതുദര്ശനത്തിന് വെച്ച ശേഷം ഉച്ചയ്ക്ക് ശേഷം ആലപ്പുഴ വലിയ ചുടുകാട്ടില് സംസ്കാര ചടങ്ങുകള് നടക്കും.