ഒടയഞ്ചാല്: കോടോം ബേളൂര് പഞ്ചായത്തില് നായ്ക്കയം തട്ടില് ഉരുള്പൊട്ടലിന് സമാനമായ രീതിയില് മണ്ണിടിഞ്ഞു വീണു. ഉരുള്പൊട്ടലെന്ന സംശയമുണ്ടായതോടെ നാട്ടുകാര് ഭീതിയിലായി. ഇന്ന് വൈകീട്ടാണ് മഴയില് വലിയ കുന്നിന് മുകളില് നിന്നും വെള്ളവും മണ്ണും ഒലിച്ചിറങ്ങിയത്. താഴ്ഭാഗത്തെ മൂന്ന് കുടുംബങ്ങളെ മാറ്റി ബന്ധു വീടുകളിലേക്ക് പാര്പ്പിച്ചു.
വലിയ പാറയും താഴെയെത്തിയതോടെ നാട്ടുകാര് ഭീതിയിലായി. കെ.വി. ഗോപാലകൃഷ്ണന് മാസ്റ്ററുടെ കൃഷിസ്ഥലത്താണ് ശക്തമായ മഴയില് മണ്ണും കല്ലും ഒഴുകിയെത്തിയത്. മുകള് ഭാഗത്ത് നിന്നും വന്ന വലിയ ഒരു പാറ റബര് തോട്ടത്തില് തങ്ങി നില്ക്കുന്നു. ഇത് മഴയില് വീണ്ടും താഴേക്ക് പതിക്കുമോയെന്നാണ് സംശയം. വ്യാപക കൃഷി നഷ്ടമുണ്ട്. വെള്ളരിക്കുണ്ട് തഹസില്ദാര് പി.വി മുരളി, ബേളൂര് വില്ലേജ് ഓഫീസര് ശ്രീലാല് സ്ഥലം സന്ദര്ശിച്ചു. മണ്ണിടിച്ചില് 50 മീറ്റര് താഴെ വരെയെത്തി.