കോഴിക്കോട്: ഷഹബാസ് കൊലക്കേസില് കുറ്റാരോപിതരായ ആറ് വിദ്യാര്ത്ഥികളുടെയും എസ്എസ്എല്സി പരീക്ഷാ ഫലം പ്രസിദ്ധീകരിച്ചില്ല. ഇവര് കേസില് പ്രതികളായ സാഹചര്യത്തിലാണ് ഫലം തടഞ്ഞുവച്ചിരിക്കുന്നത്. നേരത്തെ ഇവരെ എസ് എസ് എല് സി പരീക്ഷ എഴുതാന് അനുവദിച്ചത് വലിയ വിവാദമായിരുന്നു. പരീക്ഷാ സെന്ററുകളിലേക്കടക്കം വിദ്യാര്ത്ഥി – യുവജന സംഘടനകള് കടുത്ത പ്രതിഷേധം നടത്തിയിരുന്നു.
ഫെബ്രുവരി 28 നായിരുന്നു കേസിനാസ്പദമായ സംഭവം. താമരശ്ശേരിയില് ഷഹബാസ് ഉള്പ്പെടുന്ന എംജെ ഹയര് സെക്കന്ഡറി സ്കൂളിലെ വിദ്യാര്ത്ഥികളും താമരശ്ശേരി കോരങ്ങാട് ഹയര് സെക്കന്ഡറി സ്കൂളിലെ വിദ്യാര്ത്ഥികളും തമ്മില് ട്യൂഷന് സെന്ററിലെ കലാപരിപാടിയെ ചൊല്ലി ഉണ്ടായ സംഘര്മാണ് കൊലപാതകത്തിലേക്ക് നയിച്ചത്. സംഘര്ഷത്തെ തുടര്ന്ന് വിദ്യാര്ത്ഥികള് ഷഹബാസിനെ ക്രൂരമായി മര്ദിക്കുകയായിരുന്നു.