ഉദുമ : പാലക്കുന്ന് കഴകം ഉദുമ കുറുക്കന്കുന്ന് വയനാട്ടുകുലവന് തറവാട്ടില് തെയ്യംകെട്ടിന് കലവറ നിറയ്ക്കലോടെ സമാരംഭം കുറിച്ചു. രാവിലെ തിരുമുറ്റത്ത് കലശാട്ട്
കര്മങ്ങള് പൂര്ത്തിയാക്കി തറവാട്ടില് നിന്നുള്ള കന്നികലവറയാണ് ആദ്യം നിറച്ചത്. തുടര്ന്ന് തറവാട് നിലകൊള്ളുന്ന വടക്കേക്കര പ്രാദേശിക സമിതി, കോതോറമ്പന് തറവാട് ചൂളിയാര് ഭഗവതി ക്ഷേത്രം, കളനാട് തെക്കേക്കര, ഒന്നാം കിഴക്കേക്കര, പടിഞ്ഞാര്ക്കര, ബേവൂരി പ്രദേശിക സമിതികളില് നിന്നും സമീപ തറവാടുകളില് നിന്നും പ്രദേശങ്ങളില് നിന്നും ഭക്ഷണ മൊരുക്കാനുള്ള വിഭവങ്ങളുമായി കലവറ ഘോഷയാത്രകള് തറവാട്ടിലെത്തി. സ്വന്തമായി വിളയിച്ചെടുത്ത പച്ചക്കറികള്ക്ക് പുറമെയാണിതെല്ലാം.
രാത്രി മറക്കളത്തില് ദീപം തെളിയിച്ചു. തുടര്ന്ന് തോറ്റം പാട്ടിന് ശേഷം പാലക്കുന്ന് കഴകം ക്ഷേത്ര ആചാര സ്ഥാനികര് കോലധാരികളെ പ്രഖ്യാപിച്ചു. കണ്ടനാര് കേളന് ജിജു മോഹനന് കൊളത്തൂരും വയനാട്ടുകുലവന് ജയന് കുറ്റിക്കോലും
കെട്ടിയാടും. തറവാട് ധര്മദൈവങ്ങളുടെ തെയ്യംകൂടലും നടന്നു.
ഇന്നത്തെ (30) പരിപാടികള്:
പുലര്ച്ചെ 2 മുതല് വൈകുന്നേരം 2 വരെ വിവിധ തെയ്യക്കോലങ്ങള് അരങ്ങിലെത്തും. 4ന് കാര്ന്നോന് തെയ്യത്തിന്റെയും 7 ന് കോരച്ചന് തെയ്യ ത്തിന്റെയും 9.30 ന് കണ്ടനാര്കേളന് തെയ്യത്തിന്റെയും വെള്ളാട്ടങ്ങള് അരങ്ങിലെത്തും. തുടര്ന്നാണ് കണ്ടനാര് കേളന് തെയ്യത്തിന്റെ ബപ്പിടല്.
വിഷ്ണുമൂര്ത്തിയുടെ തിടങ്ങലിന് ശേഷം വയനാട്ടു കുലവന്റെ വെള്ളാട്ടവുമുണ്ടാകും.
യാത്രാവാഹനങ്ങള്ക്ക് പാര്ക്കിങ്
ഉദുമ: ബപ്പിടല് ദിവസമായ ഇന്ന് (30 ) കാസര്കോട്, കാഞ്ഞങ്ങാട് ഭാഗങ്ങളില് നിന്നുള്ള യാത്ര വാഹനങ്ങള് ഉദുമ വയലിലും, കൊപ്പല്, കൊക്കാല്, ബേവൂരി, അച്ചേരി ഭാഗങ്ങളില് നിന്നുള്ളവ കപ്പണക്കാല് തറവാട് വളപ്പിലും പാര്ക്ക് ചെയ്യേണ്ടതാണ്. ബി ആര് ഡി സി റോഡുകള് ഉള്പ്പെടെയുള്ള പൊതുവഴികളിലും പൊതു ഇടവഴികളിലും വാഹനങ്ങള് പാര്ക്ക് ചെയ്യരുതെന്നും ബന്ധപ്പെട്ടവര് അറിയിച്ചു.