ബെംഗളൂരു: ഹുബ്ബള്ളിയില് കാറില് അനധികൃതമായി കടത്തിയ 90 ലക്ഷം രൂപയുമായി മൂന്നുപേര് അറസ്റ്റില്. രേഖകളില്ലാതെ പണം കൊണ്ടുപോകുന്നുവെന്ന രഹസ്യവിവരത്തെത്തുടര്ന്ന് കേശവ്പുര് പൊലീസ് ക്ലബ് റോഡില് നടത്തിയ പരിശോധനയിലാണ് പ്രതികള് പിടിയിലായത്.
അന്വേഷണത്തില് ഹുബ്ബള്ളി സ്വദേശി സതീഷ് ഷെജ്വാദ്കറുടേതാണ് പണമെന്ന് പൊലീസ് കണ്ടെത്തി. പൊലീസ് കേസെടുത്ത് ചോദ്യം ചെയ്യലിന് ഹാജരാകാന് സതീഷിന് നോട്ടീസയച്ചു. രേഖകളില്ലാതെ ബാഗിനകത്ത് ഒളിപ്പിച്ച നിലയിലായിരുന്നു പണമെന്നും ഉറവിടം അറിയാന് അന്വേഷണം നടത്തിവരുകയാണെന്നും പൊലീസ് കമ്മീഷണര് എന്. ശശികുമാര് പറഞ്ഞു.