കാഞ്ഞങ്ങാട്: 5 ദിവസങ്ങളിലായി നടന്നുവന്ന ചാമുണ്ഡിക്കുന്ന് വിഷ്ണു ചാമുണ്ഡേശ്വരി ദേവസ്ഥാന കളിയാട്ട മഹോത്സവത്തിന് ഇന്ന് സമാപനമാകും. സമാപന ദിവസത്തില് പൂമാരുതന്, ഭഗവതി ചാമുണ്ഡി വിഷ്ണുമൂര്ത്തി, പടിഞ്ഞാറേ ചാമുണ്ഡി ഗുളികന്എന്നീ തെയ്യങ്ങള് അരങ്ങിലെത്തും. വൈകുന്നേരം 4 മണിക്ക് വാരിക്കാട്ടപ്പന് മഹിഷ മര്ദ്ദിനി ക്ഷേത്രം, നായക്കര വളപ്പ് മല്ലികാര്ജ്ജുന ക്ഷേത്രം എന്നിവിടങ്ങളിലേക്കുള്ള വിഷ്ണുമൂര്ത്തി തെയ്യത്തിന്റെ എഴുന്നള്ളത്തും തുടര്ന്ന് തേങ്ങയേറും നടക്കും. വിഷ്ണു മൂര്ത്തി തിരുമുടിയ ഴിക്കുന്നതോടുകൂടി ഉത്സവത്തിന് പരിസമാപനമാവും.ഉത്സവ ആഘോഷത്തിന്റെ ഭാഗമായുള്ള വെടിക്കെട്ട് ഒഴിവാക്കി ആ തുക നീലേശ്വരം വെടിക്കെട്ട് അപകടത്തില് മരിച്ചവരുടെ ആശ്രിതര്ക്ക് ശനിയാഴ്ച രാത്രി ക്ഷേത്രത്തില് നടന്ന അനുമോദന സദസ്സില് വച്ച് കൈമാറി.ക്ഷേത്രപരിധിയിലെ കലാകാരികളുടെനൃത്ത നൃത്യങ്ങളും അരങ്ങേറി.