വലപ്പാട്: മണപ്പുറം ഫൗണ്ടേഷന്റെ സാമൂഹിക പ്രതിബദ്ധത പ്രവര്ത്തനങ്ങളുടെ ഭാഗമായി തൃശൂര് ജില്ലയിലെ നിര്ധനരായ നാല്പതോളം രോഗികള്ക്ക് ചികിത്സ ധനസഹായം നല്കി. ആകെ രണ്ടര ലക്ഷം രൂപയുടെ സഹായമാണ് നല്കിയത്. മണപ്പുറം ഫിനാന്സിന്റെ സരോജിനി പദ്മനാഭന് സ്മാരക ഓഡിറ്റോറിയത്തില് നടന്ന ചടങ്ങ് ഫിനാന്സ് എക്സിക്യൂട്ടീവ് ഡയറക്ടര് സുമിത നന്ദന് ഉദ്ഘാടനം ചെയ്തു. മണപ്പുറം ഫൗണ്ടേഷന് മാനേജിങ് ട്രസ്റ്റീ വി പി നന്ദകുമാര് അധ്യക്ഷത വഹിച്ചു. ആശുപത്രികളിലും വിവിധ ആരോഗ്യ കേന്ദ്രങ്ങളിലും ഉള്പ്പടെ ആരോഗ്യ മേഖലയില് നിരവധി സന്നദ്ധ പ്രവര്ത്തനങ്ങളാണ് മണപ്പുറം ഫൗണ്ടേഷന് നടപ്പിലാക്കുന്നത്. ചടങ്ങില് മണപ്പുറം ഫൗണ്ടേഷന് സിഇഒ ജോര്ജ് ഡി ദാസ്, ജനറല് മാനേജര് ജോര്ജ് മൊറേലി എന്നിവര് പങ്കെടുത്തു.