രാജപുരം: രാജപുരം ഹോളി ഫാമിലി എ.എല്.പി സ്കൂളില് സ്കൂള് ലീഡറെ ജനാധിപത്യ രീതിയില് തിരഞ്ഞെടുത്തു. ജനാധിപത്യ രീതിയിലുള്ള വോട്ടെടുപ്പ് രീതി എപ്രകാരമാണന്ന് മനസ്സിലായതില് കുട്ടികള് ആഹ്ലാദത്തിലാണ്. തിരഞ്ഞെടുപ്പ് വിജ്ഞാപനം മുതല് സത്യപ്രതിജ്ഞ വരെയുള്ള ഘട്ടങ്ങള് മനസ്സിലാക്കാന് സാധിച്ചത് കുട്ടികള്ക്ക് നവ്യാനുഭവമായി. സ്കൂള് ലീഡറായി എറിക് ടോം ബിനോയിയും രണ്ടാം ലീഡറായി ജോബ് പീറ്റര് ബിനോയിയും തിരഞ്ഞെടുക്കപ്പെട്ടു. പ്രവര്ത്തനങ്ങള്ക്ക് ഹെഡ് മാസ്റ്റര് എബ്രാഹംകെ.ഒ, ഷൈബി എബ്രാഹം, ശ്രുതി ബേബി, ഡോണ്സി ജോജോ, ഷീജ ജോസ് , സോണി കുര്യന്, അനില തോമസ്, ജെസീക്ക എന്നിവര് നേതൃത്വം നല്കി.