തിരുവനന്തപുരം : സംസ്ഥാനത്ത് പകര്ച്ചവ്യാധി വ്യാപനം അതിരൂക്ഷം. 3 പേര് കൂടി പനി ബാധിച്ച് മരിച്ചു. 24 മണിക്കൂറിനിടെ 159 പേര്ക്കാണ് കേരളത്തില് ഡെങ്കിപ്പനി സ്ഥീകരിച്ചത്.42 പേര്ക്ക് എച്ച് 1 എന്1 ഉം സ്ഥിരീകരിച്ചു. 11,050 പേരാണ് പനി ബാധിച്ച് ആശുപത്രിയിലെത്തിയത്. അഞ്ച് ദിവസത്തെ ഇടവേളയ്ക്ക് ശേഷം പനിബാധിതരുടെ രോഗ വിവര കണക്കുകള് ഇന്നാണ് ആരോഗ്യവകുപ്പ് പുറത്തുവിട്ടത്. കഴിഞ്ഞ അഞ്ച് ദിവസത്തിനിടെ സംസ്ഥാനത്ത് 493 പേര്ക്ക് ഡെങ്കിപ്പനിയും, 158 പേര്ക്ക് എച്ച് 1 എന്1 ഉം സ്ഥിരീകരിച്ചിരുന്നു. എല്ലാ ദിവസവും പ്രസിദ്ധീകരിക്കുന്ന രോഗ കണക്കുകള് ജൂലൈ 1ന് ആരോഗ്യവകുപ്പ് നിര്ത്തിവെച്ചിരുന്നു.ശമ്ബളം കിട്ടാത്ത എന് എച്ച് എം ജീവനക്കാര് നിസഹകരണം പ്രഖ്യാപിച്ചതോടെയാണ് ഏകികൃത കണക്ക് പ്രസിദ്ധീകരിക്കുന്നത് നിര്ത്തിവച്ചത്. ഇന്നലെ എന് എച്ച് എം ജീവനക്കാര്ക്കായി 45 കോടി രൂപ ധനവകുപ്പ് അനുവദിച്ചതിന് പിന്നാലെയാണ് വെബ്സൈറ്റില് കണക്ക് പ്രസിദ്ധീരിച്ചത്. കണക്ക് പുറത്തുവിടാത്തില് ഓദ്യോഗിക വിശദീകരണമൊന്നും സര്ക്കാര് നല്കിയിരുന്നില്ല.