കോഴിക്കോട്; രണ്ടു കോടി രൂപ വിലവരുന്ന ലഹരി മരുന്ന് പിടികൂടിയ സംഭവത്തില് 24കാരി അറസ്റ്റില്. ആലപ്പുഴ പുന്നപ്ര പാലിയത്തറ ഹൗസില് ജുമിയാണ് പിടിയിലായത്.ബെംഗളൂരുവില്നിന്നാണ് ഇവരെ കസ്റ്റഡിയിലെടുത്തത്. ഇക്കഴിഞ്ഞ മേയ് 19നായിരുന്നു കേസിനാസ്പദമായ സംഭവം.
പുതിയങ്ങാടി എടയ്ക്കല് ഭാഗത്തെ വാടക വീട് കേന്ദ്രീകരിച്ച് ലഹരിക്കച്ചവടം നടക്കുന്നുണ്ടെന്ന വിവരത്തിന്റെ അടിസ്ഥാനത്തില് വെള്ളയില് പൊലീസും ഡാന്സാഫും നടത്തിയ പരിശോധനയില് വീട്ടില്നിന്നു രണ്ട് കോടിയിലധികം രൂപ വിലവരുന്ന മാരക മയക്കു മരുന്നുകള് പിടികൂടി. പൊലീസ് പരിശോധനയ്ക്ക് എത്തിയപ്പോള് വീട്ടിലുണ്ടായിരുന്ന രണ്ടുപേര് ഓടി രക്ഷപ്പെട്ടു.ഓടി രക്ഷപ്പെട്ട രണ്ടു പേരെ പിടികൂടുന്നതിനായി കോഴിക്കോട് സിറ്റി ഡപ്യൂട്ടി പൊലീസ് കമ്മിഷണറുടെ നേതൃത്വത്തില് പ്രത്യേക അന്വേഷണസംഘം രൂപീകരിച്ചു. ഒന്നാം പ്രതി നിലമ്ബൂര് സ്വദേശി ഷൈന് ഷാജിയെ ബെംഗളൂരൂവില് നിന്നും, രണ്ടാം പ്രതി പെരുവണ്ണാമുഴി സ്വദേശി ആല്ബിന് സെബാസ്റ്റ്യനെ കുമളിയില് നിന്നും പിടികൂടി റിമാന്ഡ് ചെയ്തു.ഇതില് ഷൈന് ഷാജിയെ കസ്റ്റഡിയില് വാങ്ങി ചോദ്യം ചെയ്തപ്പോള് ബെംഗളൂരുവില് നിന്നും ഷൈനിനോടൊപ്പം എംഡിഎംഎ കോഴിക്കോട്ടേക്ക് കൊണ്ടുവന്നതിന്റെ കാരിയര് ആയി പ്രവര്ത്തിച്ചത് ജുമിയാണെന്നു മനസിലായി.ഷൈന് നിരവധി തവണ ബെംഗളൂരുവില് നിന്നും ടൂറിസ്റ്റ് ബസുവഴി മയക്കു മരുന്ന് കടത്തിന് ജുമിയെ കാരിയര് ആക്കിയിട്ടുണ്ട്.കേസിലെ രണ്ട് പ്രതികളെ പിടികൂടിയപ്പോള് ജുമി ഒളിവില് പോയി ബെംഗളൂരുവില് താമസിക്കുകയായിരുന്നു. സ്ഥിരമായി ലഹരി ഉപയോഗിക്കുന്ന ജുമി കാരിയറായി ഉണ്ടാക്കുന്ന പണം കൊണ്ട് ആര്ഭാട ജീവിതം നയിച്ച് ഗോവ, ബെംഗളൂര് എന്നിവിടങ്ങളില് വലിയ ഹോട്ടലുകളില് റൂം എടുത്ത് താമസിക്കുകയാണ് പതിവ്.