രാജപുരം: കോളിച്ചാലില് കനത്ത മഴയില് മണ്ണിടിഞ്ഞ് വീണ് വ്യാപാര സ്ഥാപനങ്ങള് പ്രവൃത്തിക്കുന്ന കെട്ടിടത്തിന് കേടുപാടുകള് സംഭവിച്ചു. കോളിച്ചാലിലെ കുരുവിള പുന്നാംകുഴിയുടെ ഉടമസ്ഥതയിലുള്ള കെട്ടിടത്തിനാണ് കഴിഞ്ഞ രാത്രി പെയ്ത കനത്ത മഴയില് മണ്ണിടിഞ്ഞ് കേടുപാട് സംഭവിച്ചത്. കെട്ടിടത്തിന്റെ ചുവരുകള്ക്ക് വിള്ളല് വീണിട്ടുണ്ട്. കൂടാതെ ജനല്, പൈപ്പ് ലൈന് എന്നിവയും തകര്ന്നു. ഒരു ലക്ഷം രൂപയുടെ നഷ്ടം കണക്കാക്കുന്നു.