കാഞ്ഞങ്ങാട്: സംസ്ഥാന സര്ക്കാറിന്റെ ആഹ്വാന പ്രകാരം മഴക്കാല ശുചീകരണ പ്രവര്ത്തനങ്ങള്ക്ക് അജാനൂര് പഞ്ചായത്തില് തുടക്കമായി. ചിത്താരി പാലത്തിന് അടുത്ത് വച്ച് നടന്ന ശുചീകരണ പ്രവര്ത്തനങ്ങളുടെ ഉദ്ഘാടനം അജാനൂര് പഞ്ചായത്ത് വൈസ് പ്രസിഡണ്ട് കെ. സബീ ഷ് നിര്വഹിച്ചു. ജൂനിയര് സൂപ്രണ്ട് പ്രതീഷ് അധ്യക്ഷത വഹിച്ചു.വാര്ഡ് മെമ്പര്മാര്, ഹരിത കര്മ്മ സേന പ്രവര്ത്തകര് കുടുംബശ്രീ അംഗങ്ങള്തൊഴിലുറപ്പ് തൊഴിലാളികള്,മറ്റ് സന്നദ്ധ പ്രവര്ത്തകര് എന്നിവര് ശുചീകരണ പ്രവര്ത്തനങ്ങള്ക്ക് നേതൃത്വം നല്കി. ഗ്രാമപഞ്ചായത്തിലെ വിവിധ വാര്ഡുകളില് മെമ്പര്മാരുടെ നേതൃത്വത്തില് ശുചീകരണ പ്രവര്ത്തനങ്ങള്ക്ക് തുടക്കം കുറിച്ചു. കാഞ്ഞങ്ങാട് കാസര്ഗോഡ് ചന്ദ്രഗിരി പാതയില് ചിത്താരി പാലം മുതല് നോര്ത്ത് കോട്ടച്ചേരി വരെയുള്ള പ്രധാന പാതയുടെ ഇരുവശങ്ങളും, ജലസ്രോതസ്സുകളും ശുചീകരണ പ്രവര്ത്തനങ്ങളുടെ ഭാഗമായി മാലിന്യങ്ങള് നീക്കം ചെയ്തു.വരും ദിവസങ്ങളിലും ശുചീകരണ പ്രവര്ത്തനങ്ങള് നടത്തുന്നതിനായി വിപുലമായ പ്രവര്ത്തനങ്ങളാണ് പഞ്ചായത്തിന്റെ നേതൃത്വത്തില് സജ്ജീകരിച്ചിരിക്കുന്നത്.