കഴിഞ്ഞ കുറച്ചു ദിവസങ്ങളായി തുടര്‍ന്ന ഇടിവിന് വിരാമമിട്ട് സംസ്ഥാനത്ത് സ്വര്‍ണവിലയില്‍ നേരിയ വര്‍ദ്ധനവ്. ഇന്ന് (ഒക്ടോബര്‍ 26) ഗ്രാമിന് 15 രൂപയും പവന് 120 രൂപയുമാണ് ഉയര്‍ന്നത്.
ഇതോടെ ഒരു ഗ്രാം സ്വര്‍ണത്തിന്റെ വില 13,085 രൂപയായും പവന്റെ വില 1,04,680 രൂപയായും പുതുക്കി.
അന്താരാഷ്ട്ര വിപണിയില്‍ റെക്കോര്‍ഡ് ഉയരത്തില്‍ നിന്നുള്ള പിന്‍വാങ്ങലാണ് ആഭ്യന്തര വിപണിയിലും വലിയ ചാഞ്ചാട്ടത്തിന് കാരണമായത്. പശ്ചിമേഷ്യന്‍ ഭൗമരാഷ്ട്രീയ സംഘര്‍ഷങ്ങള്‍, ആഗോള കേന്ദ്രബാങ്കുകളുടെ സ്വര്‍ണശേഖരണം, ഉത്സവ-വിവാഹ സീസണുകളിലെ ആവശ്യകത എന്നിവ വില വരും ദിവസങ്ങളില്‍ വീണ്ടും ഉയരാന്‍ കാരണമായേക്കാം. അതിനാല്‍ സ്വര്‍ണവില ഇനിയും താഴുമോ അതോ തിരിച്ചുകയറുമോ എന്ന് വ്യക്തമല്ല.