പാലക്കുന്ന്: കപ്പലോട്ടക്കാരുടെ ദേശീയ സംഘടനയായ നാഷണല് യൂണിയന് ഓഫ് സീഫെറെഴ്സ് ഓഫ് ഇന്ത്യ (നുസി), ദേശീയ അടിസ്ഥാനത്തില് കപ്പല് ജീവനക്കാര്ക്കും കുടുംബാംഗങ്ങള്ക്കും നല്കിവരുന്ന സൗജന്യ ഇംഗ്ലീഷ് ഭാഷ പരിശീലന ക്ലാസ്സിന് തുടക്കമായി. നുസി കാസറഗോഡ് ബ്രാഞ്ചിന്റെ നേതൃത്വത്തില് നടത്തപ്പെടുന്ന പരിശീലന ക്ലാസ്സിന്റെ ആദ്യ ബാച്ച് മെര്ച്ചന്റ് നേവി കാസറഗോഡ് അസോസിയേഷന്റെ പാലക്കുന്നിലുള്ള ഓഫീസില് തുടക്കമായി. ഖദീജത്ത് പരിശീലന ക്ലാസ്സ് കൈകാര്യം ചെയ്യും.
നുസി കാസറഗോഡ് ബ്രാഞ്ച് പ്രതിനിധി പ്രജിത അനൂപ് ഉദ്ഘാടനം ചെയ്തു.
അസോസിയേഷന് പ്രസിഡന്റ് രാജേന്ദ്രന് മുദിയക്കാല് അധ്യക്ഷത വഹിച്ചു. സുജിത് ബേക്കല്, പി. വി. ജയരാജ് , രാജേന്ദ്രന് കണിയാമ്പാടി, മണി അമ്പങ്ങാട്, രതീശന് കുട്ടിയന് എന്നിവര് സംസാരിച്ചു.