കുമ്പള ഗ്രാമപഞ്ചായത്ത് വാർഷിക പദ്ധതിയിൽ വനിതാ ഘടക പദ്ധതിയിൽ ഉൾപ്പെടുത്തി മെന്സ്ട്രുവൽ കപ്പ് വിതരണം ചെയ്തു. വിതരണോദ്ഘാടനം കുമ്പള ഗ്രാമപഞ്ചായത്ത് പ്രസിഡണ്ട് യു.പി.താഹിറ യൂസഫ് നിർവഹിച്ചു. എഫ്.എച്ച്.സി മെഡിക്കൽ ഓഫീസർ ഡോക്ടർ സ്മിത ബോധവൽക്കരണ ക്ലാസിന് നേതൃത്വം നല്കി. പഞ്ചായത്ത് വൈസ് പ്രസിഡന്റ് നസീർ മൊഗ്രാൽ അധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയർമാൻമാരായ സബൂറ, ബി.എ റഹ്മാൻ , നസീമ ഖാലിദ്, പഞ്ചായത്ത് അംഗങ്ങളായ കൗലത്ത് ബീവി ,ശോഭ ,പ്രേമലത ,പ്രേമാവതി ,രവിരാജ് ,റിയാസ് എന്നിവര് സംസാരിച്ചു . പഞ്ചായത്ത് ഉദ്യോഗസ്ഥർ ,ആരോഗ്യപ്രവത്തകർ ആശാ പ്രവർത്തകർ, ഗുണഭോക്താക്കൾ പങ്കെടുത്തു .പഞ്ചായത്ത് അസിസ്റ്റൻഡ് സെക്രട്ടറി കലേഷ് സ്വാഗതവും ജെ.എച്ച്.ഐ ആദിത്യൻ നന്ദിയും പറഞ്ഞു.