കേരള നിയമസഭാ തിരഞ്ഞെടുപ്പില് യുഡിഎഫിന്റെ കരുത്തനായ നേതാവ് രമേശ് ചെന്നിത്തലയ്ക്ക് ഹരിപ്പാട് മണ്ഡലത്തില് മിന്നും ജയം. വോട്ടെണ്ണല് പൂര്ത്തിയായപ്പോള് എതിര് സ്ഥാനാര്ത്ഥികളെ ബഹുദൂരം പിന്നിലാക്കിയാണ് ചെന്നിത്തല തന്റെ പടയോട്ടം തുടര്ന്നത്. 2011 മുതല് മണ്ഡലത്തെ പ്രതിനിധീകരിക്കുന്ന ചെന്നിത്തലയ്ക്ക് ഇത് ഹരിപ്പാട്ടെ തുടര്ച്ചയായ നാലാം വിജയമാണ്. 68,184 വോട്ടുകള് നേടിയ ചെന്നിത്തല, എല്ഡിഎഫ് സ്ഥാനാര്ത്ഥി ടി.ടി. ജിസ്മോനെ 23,377 വോട്ടുകളുടെ വന് ഭൂരിപക്ഷത്തിലാണ് പരാജയപ്പെടുത്തിയത്. എന്ഡിഎ സ്ഥാനാര്ത്ഥി സന്ദീപ് വാചസ്പതി 31,022 വോട്ടുകള് നേടി.
ഹരിപ്പാട് നഗരസഭയിലും ഭൂരിഭാഗം പഞ്ചായത്തുകളിലും യുഡിഎഫിനുള്ള സ്വാധീനം വോട്ടെണ്ണലില് പ്രതിഫലിച്ചു. തദ്ദേശ തിരഞ്ഞെടുപ്പില് ഏഴ് പഞ്ചായത്തുകളില് ഭരണം പിടിച്ചെടുത്ത യുഡിഎഫിന്റെ ആത്മവിശ്വാസം നിയമസഭാ പോരാട്ടത്തിലും തുണയായി. മണ്ഡലത്തിലെ വികസന പ്രവര്ത്തനങ്ങളും ചെന്നിത്തലയ്ക്ക് ജനങ്ങള്ക്കിടയിലുള്ള വ്യക്തിപരമായ സ്വാധീനവുമാണ് ഈ മിന്നും വിജയത്തിന് പിന്നിലെന്ന് രാഷ്ട്രീയ നിരീക്ഷകര് വിലയിരുത്തുന്നു.