കോഴിക്കോട്: 10 കിലോ കഞ്ചാവ് പിടിച്ചെടുത്ത കേസില് സഹോദരങ്ങള്ക്ക് വടകര എന്ഡിപിഎസ് കോടതി ശിക്ഷ വിധിച്ചു. പാലക്കാട് സ്വദേശികളായ ചന്ദ്രശേഖരന്, സഹോദരി സൂര്യ എന്നിവര്ക്കാണ് ഏഴ് വര്ഷം തടവും 40,000 രൂപ പിഴയും കോടതി വിധിച്ചത്.
കുടുങ്ങിയത് പീഡനക്കേസ് അന്വേഷണത്തിനിടെ
2020-ല് കോഴിക്കോട് മുക്കത്തിനടുത്തുള്ള നീലേശ്വരത്തെ വാടകവീട്ടില് വെച്ചാണ് ഇരുവരെയും മുക്കം പോലീസ് പിടികൂടുന്നത്. എന്നാല് ഈ അറസ്റ്റിന് പിന്നില് യാദൃച്ഛികമായ ഒരു സംഭവമുണ്ട്. 2024 ജൂലൈ രണ്ടിന് മുത്തേരിയില് വെച്ച് 65 വയസ്സുകാരിയെ ഓട്ടോയില് പീഡിപ്പിക്കുകയും മാല കവരുകയും ചെയ്ത കേസ് പോലീസ് അന്വേഷിക്കുന്നതിനിടെയായിരുന്നു ഇത്.
വയോധികയെ പീഡിപ്പിച്ച കേസിലെ പ്രതി താമസിച്ചിരുന്ന സ്ഥലം പരിശോധിക്കുന്നതിനിടെയാണ്, സമീപത്തെ മറ്റൊരു വാടകവീട്ടില് പോലീസ് അപ്രതീക്ഷിതമായി എത്തുന്നത്. ഈ വീട്ടില് നിന്നാണ് സഹോദരങ്ങളായ ചന്ദ്രശേഖരനെയും സൂര്യയെയും 10 കിലോ കഞ്ചാവുമായി പോലീസ് പിടികൂടിയത്.
അങ്ങനെ, ഒരു പീഡനക്കേസ് അന്വേഷണത്തിനിടെ കഞ്ചാവ് മാഫിയാ സംഘത്തില്പ്പെട്ട സഹോദരങ്ങളെ പിടികൂടാന് പോലീസിനായി. എസ്.ഐ. സാജിദ് കെയുടെ നേതൃത്വത്തിലുള്ള സംഘമാണ് ഇവരെ പിടികൂടിയത്. തുടര്ന്ന് ഇന്സ്പെക്ടര് ബി.കെ. സിജു കേസില് തുടരന്വേഷണം നടത്തി കോടതിയില് കുറ്റപത്രം സമര്പ്പിക്കുകയായിരുന്നു.