ബംഗളൂരു: ബസ് സ്റ്റോപ്പില് ബസ് കാത്ത് നിന്ന ദമ്ബതികളില് ഭര്ത്താവിനെ അടിച്ചു വീഴ്ത്തി ഭാര്യയെ ആറംഗ സംഘം ബലാത്സംഗം ചെയ്തു. കൊപ്പല് ജില്ലയിലെ ഗംഗാവതി നഗരത്തില് ബസ് സ്റ്റോപ്പില് നിന്ന ദമ്ബതികള്ക്ക് നേരെയാണ് ആക്രമണം. ഞായറാഴ്ച രാത്രിയിലാണ് സംഭവം.
ആറ് പ്രതികളെ പോലീസ് തിങ്കളാഴ്ച രാത്രിയോടെ അറസ്റ്റ് ചെയ്തു. മൗലാന ഹുസൈന്, ശിവകുമാര്, പ്രശാന്ത്, മഹേഷ്, മദേശ് എന്നിവരാണ് അറസ്റ്റിലായത്. ആറാം പ്രതി ലിങ്കരാജ് ഒളിവിലാണെന്നും പോലീസ് അറിയിച്ചു. രാത്രി ഒമ്പതരയോടെ ബസ് കാത്തുനിന്ന ദമ്ബതികള് തമ്മില് വാക്കേറ്റം നടന്നിരുന്നു. ഇതില് ഇടപെട്ട അക്രമികള് ഭര്ത്താവിനെ അടിച്ചുവീഴ്ത്തി 21കാരിയായ ഭാര്യയെ വലിച്ചിഴച്ച് കൊണ്ടുപോയി ലൈംഗിക പീഡനത്തിന് ഇരയാക്കുകയായിരുവെന്ന് പൊലീസ് പറഞ്ഞു.