ബെംഗളൂരു: ബെം?ഗളൂരുവിലെ ഹൊസ്ക്കോട്ടെയില് അച്ഛനെയും 2 മക്കളെയും മരിച്ച നിലയില് കണ്ടെത്തിയ സംഭവത്തില് വീട്ടമ്മയ്ക്കെതിരെ കൊലപാതകത്തിന് കേസെടുത്ത് പോലീസ്. ഹൊണകനഹള്ളി സ്വദേശി 32 കാരനായ ശിവു, മക്കളായ 11വയസ്സുകാരി ചന്ദ്രകല, 7 വയസ്സുകാരനായ ഉദയ് സൂര്യ എന്നിവരാണ് മരിച്ചത്. ജീവനൊടുക്കാന് ശ്രമിച്ച് രക്ഷപ്പെട്ട ഭാര്യ മഞ്ജുളയെ ചോദ്യം ചെയ്ത പൊലീസ് അറസ്റ്റ് രേഖപ്പെടുത്തുകയായിരുന്നു. ഏതാനും വര്ഷം മുന്പ് ശിവുവിന് വാഹനാപകടത്തില് പരുക്കേറ്റതിനാല് ജോലിക്കു സ്ഥിരമായി പോയിരുന്നില്ല. സാമ്പത്തിക പ്രതിസന്ധിയെ തുടര്ന്നാണ് കുടുംബം ആത്മഹത്യ ചെയ്യാന് തീരുമാനിച്ചത്.