കൊച്ചി: കടയിലേക്ക് പോകവെ 11 കാരിയെ കയറിപ്പിടിച്ച് നഗ്നതാ പ്രദര്ശനം നടത്തി. മട്ടാഞ്ചേരിയില് യുവാവ് അറസ്റ്റില്. പോക്സോ നിയമപ്രകാരമുള്ള വകുപ്പുകള് ചുമത്തിയാണ് യുവാവിനെ അറസ്റ്റ് ചെയ്തത്. ഫോര്ട്ട്കൊച്ചി നസ്രത്ത് സ്വദേശി ഡാറേല് ഡിസൂസയാണ് പിടിയിലായത്. മട്ടാഞ്ചേരി സ്വദേശിയായ പതിനൊന്നുകാരിയാണ് ലൈംഗികാതിക്രമത്തിനിരയായത്.
കടയിലേക്ക് പോവുകയായിരുന്ന കുട്ടിയെ പ്രതി കയറി പിടിച്ചെന്നും പിന്നീട് കുട്ടിക്ക് മുന്നില് നഗ്നതാ പ്രദര്ശനം നടത്തിയെന്നുമാണ് കേസ്. പോക്സോ നിയമത്തിലെയും ഇന്ത്യന് ശിക്ഷാ നിയമത്തിലെയും വകുപ്പുകള് ചുമത്തി പ്രതിക്കെതിരെ കേസെടുത്തു. പിന്നാലെ ഫോര്ട്ട് കൊച്ചി പൊലീസാണ് പ്രതിയെ അറസ്റ്റ് ചെയ്തത്. ഇയാളെ വൈദ്യപരിശോധനയ്ക്കും നിയമപരമായ നടപടിക്രമങ്ങള്ക്കും ശേഷം കോടതിയില് ഹാജരാക്കി. പ്രതിയെ കോടതി പിന്നീട് ജുഡീഷ്യല് കസ്റ്റഡിയില് വിട്ടു.